Qytai biligi «Delfin» taifýnynyń jaqyndaýyna bailanysty daýyl qaýpiniń eń joǵary – qyzyl deńgeiin jariialady, dep habarlaidy dalanews.kz.
Tabiǵi apat qaýpine bailanysty Shanhai qalasynda 1300-den astam áýe reisi toqtatyldy. Sondai-aq Hanchjoý áýejaiynda taǵy 300-ge jýyq reis keiinge shegerilgen.
Budan bólek, Iantszy ózeniniń atyraýyndaǵy parom qatynasy ýaqytsha toqtatylyp, birqatar poiyz baǵyttarynyń qozǵalysy shekteldi.
Sinoptikterdiń boljamynsha, taifýn Qytai jaǵalaýyna dúisenbi kúni tańerteń jetedi. Jeksenbi men sársenbi aralyǵynda Shanhai, Chjetszian, Fýtszian, Tsziansý jáne basqa da óńirlerde nóser jańbyr jaýyp, aýa raiy kúrt nasharlaýy múmkin.
Jergilikti bilik turǵyndardy qaýipsizdik sharalaryn saqtaýǵa jáne qajet bolmasa alys jolǵa shyqpaýǵa shaqyrdy.
