Prezident Qasym-Jomart Toqaev qyrkúiektiń ekinshi jartysynda Qazaqstan Halyq Keńesi qurylatynyn málimdedi, dep habarlaidy dalanews.kz.
Memleket basshysynyń aitýynsha, bul Qazaqstan tarihyndaǵy etnikalyq, óńirlik, áleýmettik jáne qoǵamdyq-saiasi áralýandylyqty biriktiretin alǵashqy joǵary konsýltativtik organ bolmaq.
«Barlyq laýazymdy tulǵalar, ásirese, qyzmetine endi kirisetin azamattar aldymyzda turǵan ortaq maqsat-mindetterdi anyq túsinýi kerek», – dedi Prezident.
Toqaev Qazaqstan Halyq Keńesiniń qurylýy eldegi bilik institýttaryn jańartý protsesiniń mańyzdy kezeńderiniń biri bolatynyn atap ótti.
«Qyrkúiektiń ekinshi jartysynda Qazaqstan Halyq Keńesi qurylady. Bul – Qazaqstan tarihyndaǵy elimizdiń etnikalyq, óńirlik, áleýmettik jáne qoǵamdyq-saiasi áralýandyǵyn boiyna sińiretin alǵashqy joǵary konsýltativtik organ. Shyn máninde, bul biregei organ. Bul konstitýtsiialyq organnyń zań shyǵarý bastamasy quqyǵy bar. Osylaisha, salystyrmaly túrde qysqa merzimde biliktiń negizgi institýttarynyń barlyǵy derlik jańartylady. Bul aldaǵy reformalarymyzǵa qýatty serpin beredi», – dedi Qasym-Jomart Toqaev.
Prezident jańa memlekettik institýttardyń qalyptasýy eldegi reformalardy odan ári jalǵastyrýǵa múmkindik beretinin aitty.
«Naǵyz patriot úshin óz halqyna adal qyzmet etýden asqan baqyt joq. Halyqtyń múddesi bárinen joǵary turýy kerek. Bizdiń ortaq mindetimiz – Ádiletti ári Qýatty Qazaqstandy qurý. Halyqtyń amanatyna adal bolý – bizdiń qasietti paryzymyz. Osy jolda jan aiamai eńbek etetinderińizge senemin. Quryltai jumysyna sáttilik tileimin! Qasietti Otanymyz – Qazaqstan Respýblikasy órkendei bersin!» – dedi Memleket basshysy.
