Qyrǵyzstannyń eks-premer-ministri Daniiar Úsenovtiń uly Ýrmat Úsenov Almatydaǵy tergeý izoliatorynda otyr, dep habarlaidy dalanews.kz.
Quqyq qorǵaý organdaryndaǵy derekkózderdiń málimetinshe, ol zańsyz kásipkerlikpen ainalysý jáne transulttyq uiymdasqan qylmystyq top qurdy degen kúdikke ilingen.
Is boiynsha Ýrmat Úsenovpen birge Qyrǵyzstannyń taǵy eki azamaty jáne Qazaqstannyń bir azamaty kúdikti.
Aita keteiik, Daniiar Úsenov Qyrǵyzstan úkimetin 2009 jyldyń qazan aiynan 2010 jyldyń sáýirine deiin basqarǵan. Ol qyzmetinen eldegi jappai narazylyqtar men keiin revoliýtsiiaǵa ulasqan oqiǵalardan soń ketken bolatyn.
Buǵan deiingi málimetterge sáikes, Úsenov Qyrǵyzstannan ketip, alǵashynda Ulybritaniiaǵa barǵan. Keiin, 2017 jyly Belarýske qonys aýdaryp, Daniil Ýritskii esimin qabyldaǵan jáne «Belarýs ulttyq biotehnologiialyq korporatsiiasy» jabyq aktsionerlik qoǵamyn basqarǵan.
Qyrǵyzstanda Daniiar Úsenovke qatysty qylmystyq is qozǵalyp, ol syrttai 15 jylǵa bas bostandyǵynan aiyrylǵan.
