Qyrǵyzstan alǵash ret Birikken Ulttar Uiymy Qaýipsizdik keńesiniń turaqty emes múshesi bolyp sailandy, dep habarlaidy dalanews.kz.
Daýys berý BUU Bas Assambleiasy aiasynda ótti. Qyrǵyzstan bul oryn úshin Filippinmen básekege tústi.
Tórt kezeńnen turǵan sailaý qorytyndysynda Qyrǵyzstan Bas Assambleia músheleriniń úshten eki daýysyn jinap, jeńiske jetti. Sońǵy daýys berý kezeńinde el kandidatýrasyn 142 memleket qoldaǵan.
2027 jylǵy 1 qańtardan bastap Qaýipsizdik keńesiniń turaqty emes músheleri retinde Aýstriia, Zimbabve, Portýgaliia jáne Trinidad jáne Tobago da qyzmetine kirisedi. Bul memleketter ókilettik merzimi 2026 jyldyń sońynda aiaqtalatyn Mysyr, Daniia, Pákistan, Panama jáne Somali elderiniń ornyn basady.
