Qazaqstanda psihotrop zattardy zańsyz óndirýmen jáne taratýmen ainalysqan uiymdasqan qylmystyq top múshesi Reseiden ekstraditsiialandy, dep habarlaidy dalanews.kz.
Bas prokýratýra málimetinshe, ol qylmystyq top múshesi bolǵan, Temirtaý qalasynda asa iri mólsherdegi esirtki óndirisin uiymdastyrǵan. Keiin psihotrop zattar Qaraǵandy oblysynyń aýmaǵynda taratylǵan.
Olar qylmystyq áreket nátijesinde kelgen 1,8 mlrd teńgeden asa jáne 600 mln teńgeden asa qarajatty zańdastyrǵan. Bul aktivterdi memleket kirisine tárkileý maqsatynda olarǵa tyiym salynǵan. Sondai-aq, qylmystyq top múshelerinen 10 kelige jýyq mefedron tárkilengen.
"Kúdikti qylmystyq qýdalaý organdarynan jasyrynýyna bailanysty oǵan halyqaralyq izdeý jariialanǵan. Ol byltyr qazanda Resei aýmaǵynda ustalyp, Bas prokýratýranyń suraýy boiynsha Qazaqstanǵa ekstraditsiialandy. Kúdikti tergeý izoliatoryna qamaldy", - dedi Bas prokýratýra ókilderi.
