Almaty qalasy Josparlaý jáne ýrbanistika basqarmasynyń basshysy jer ýchaskelerin berý jáne obektilerdiń qurylysyn kelisý kezinde laýazymdyq ókilettikterin asyra paidalandy degen kúdikke ilingen.
Aitalyq, laýazym iesi jeke turǵyn úi qurylysyna arnalǵan jer ýchaskelerinde, nysanaly maqsatyna qaramastan jáne qurylystyń tyǵyzdyǵyn eskermei, jekelegen qurylys kompaniialarynyń múddesi úshin 2020-2023 jyldary 3 kóppáterli turǵyn úi kesheniniń qurylysyn zańsyz kelisken.
Nátijesinde memleketke 307 mln teńgeden astam somaǵa jer ýchaskeleriniń tólenbegen kadastrlyq quny túrinde zalal keltirildi.
Budan basqa, 2020 jyly meditsinalyq ortalyq pen HQKO-nyń qurylysyn zańsyz kelise otyryp (investitsiialyq jobalardy iske asyrý túrimen), múddeli tulǵalardyń jeke menshigine jer ýchaskelerin tómen quny boiynsha odan ári negizsiz berýge yqpal etken. Shyǵyn 180 mln teńgeni qurapty.
Sottyń sanktsiiasymen kúdikti qamaýǵa alyndy. Sotqa deiingi tergep-tekserý jalǵasýda, basqa laýazymdy adamdardyń qatystyǵy tekserilýde.
Qylmystyq-protsestik kodeksiniń 201-babyna sáikes tergeý múddesi úshin ózge de aqparat jariia etýge jatpaidy.
