الماتى قالاسى جوسپارلاۋ جانە ۋربانيستيكا باسقارماسىنىڭ باسشىسى جەر ۋچاسكەلەرىن بەرۋ جانە وبەكتىلەردىڭ قۇرىلىسىن كەلىسۋ كەزىندە لاۋازىمدىق وكىلەتتىكتەرىن اسىرا پايدالاندى دەگەن كۇدىككە ىلىنگەن.
ايتالىق، لاۋازىم يەسى جەكە تۇرعىن ءۇي قۇرىلىسىنا ارنالعان جەر ۋچاسكەلەرىندە، نىسانالى ماقساتىنا قاراماستان جانە قۇرىلىستىڭ تىعىزدىعىن ەسكەرمەي، جەكەلەگەن قۇرىلىس كومپانيالارىنىڭ مۇددەسى ءۇشىن 2020-2023 جىلدارى 3 كوپپاتەرلى تۇرعىن ءۇي كەشەنىنىڭ قۇرىلىسىن زاڭسىز كەلىسكەن.
ناتيجەسىندە مەملەكەتكە 307 ملن تەڭگەدەن استام سوماعا جەر ۋچاسكەلەرىنىڭ تولەنبەگەن كاداسترلىق قۇنى تۇرىندە زالال كەلتىرىلدى.
بۇدان باسقا، 2020 جىلى مەديسينالىق ورتالىق پەن حقكو-نىڭ قۇرىلىسىن زاڭسىز كەلىسە وتىرىپ (ينۆەستيسيالىق جوبالاردى ىسكە اسىرۋ تۇرىمەن)، مۇددەلى تۇلعالاردىڭ جەكە مەنشىگىنە جەر ۋچاسكەلەرىن تومەن قۇنى بويىنشا ودان ءارى نەگىزسىز بەرۋگە ىقپال ەتكەن. شىعىن 180 ملن تەڭگەنى قۇراپتى.
سوتتىڭ سانكسياسىمەن كۇدىكتى قاماۋعا الىندى. سوتقا دەيىنگى تەرگەپ-تەكسەرۋ جالعاسۋدا، باسقا لاۋازىمدى ادامداردىڭ قاتىستىعى تەكسەرىلۋدە.
قىلمىستىق-پروسەستىك كودەكسىنىڭ 201-بابىنا سايكەس تەرگەۋ مۇددەسى ءۇشىن وزگە دە اقپارات جاريا ەتۋگە جاتپايدى.
