KazBuild kórmesi jyl saiyn, iaǵni 1994 jyldan beri ótkizilip, Qazaqstan Respýblikasy Indýstriia jáne saýda ministrliginiń Qurylys jáne turǵyn úi-kommýnaldyq sharýashylyq komitetimen, Almaty qalasynyń ákimdigimen qoldaý taýyp keledi. Osy retki kórmede Qytaidyń saýda-sattyq salasyndaǵy iri uiymdary men taýar óndirýshi jáne eksporttaýshy kompaniialarynyń úlesi basym bolyp otyr. Qazaqstan men Qytai arasyndaǵy qarym-qatynas satylarynda saýda-ekonomikanyń róli zor. Mundai kórmelerdiń uiymdastyrylyp turýy - Qytai men Qazaqstan arasyndaǵy ekonomikalyq, investitsiialyq qarym-qatynasty damytýdyń jalǵasy bolmaq.
Qazirgi tańda Qazaqstan-Qytai ekonomikalyq qatynastar óziniń damý tarihynyń eń bir utymdy, kemeldi kezeńin ótkerip jatyr. Demek, bul aldaǵy ýaqytta eki el arasyndaǵy ekonomikalyq damý ilgerlemese tómendemeidi degen sóz. Osy retki kórmede turǵyndar Qytaidyń sapaly taýarlaryn tanyp, eki el kásipkerleri arasynda iskerlik bailanys ornap, biraz kelisim-sharttarǵa qol qoiyldy. Qazaqstandyq kásipkerler ózderine senimdi seriktes, investorlar taýyp jatsa bizdiń ekonomikamyzdyń damýyna da yqpaly zor. Búgingi tańda Qazaqstan-Qytai eki tarap Shańhai yntymaqsatyǵy uiymy aiasynda da saiasi, ekonomikalyq yntymaqtastyqty toqtaýsyz nyǵaityp, halyqarlyq arenadaǵy iskerlik, strategiialyq is-qimyldardy jandandyrý túskenin ańǵarý qiyn emes. Ekonomikalyq ózara tolyqtyrýshylyq, geografiialyq jaqyndyq, kúshti ekonomikalyq damý jáne ekijaqty keń kólemdi reformalardyń júrip otyrýy- Qytai-Qazaqstan dostyq qarym-qatynastarynyń dami túsýine negiz bolyp otyr. Osy retki kórmege Qytai tarapynan kóptegen alpaýyt kompaniialardyń qyzyǵýshylyq tanytyp, investitsiialyq, saýda-sattyq kelisim úshin arnaiy kelýi- eki el kásipkerleriniń mańyzdy kelisimderine negiz bolady. Kórme ótip jatqan osy tórt kún ishinde 7000-nan astam iskeri bailanystar bolýda.
