KazBuild كورمەسى جىل سايىن، ياعني 1994 جىلدان بەرى وتكىزىلىپ، قازاقستان رەسپۋبليكاسى يندۋستريا جانە ساۋدا مينيسترلىگىنىڭ قۇرىلىس جانە تۇرعىن ۇي-كوممۋنالدىق شارۋاشىلىق كوميتەتىمەن، الماتى قالاسىنىڭ اكىمدىگىمەن قولداۋ تاۋىپ كەلەدى. وسى رەتكى كورمەدە قىتايدىڭ ساۋدا-ساتتىق سالاسىنداعى ءىرى ۇيىمدارى مەن تاۋار ءوندىرۋشى جانە ەكسپورتتاۋشى كومپانيالارىنىڭ ۇلەسى باسىم بولىپ وتىر. قازاقستان مەن جۇڭگو اراسىنداعى قارىم-قاتىناس ساتىلارىندا ساۋدا-ەكونوميكانىڭ ءرولى زور. مۇنداي كورمەلەردىڭ ۇيىمداستىرىلىپ تۇرۋى - جۇڭگو مەن قازاقستان اراسىنداعى ەكونوميكالىق، ينۆەستيسيالىق قارىم-قاتىناستى دامىتۋدىڭ جالعاسى بولماق.
قازىرگى تاڭدا قازاقستان-قىتاي ەكونوميكالىق قاتىناستار ءوزىنىڭ دامۋ تاريحىنىڭ ەڭ ءبىر ۇتىمدى، كەمەلدى كەزەڭىن وتكەرىپ جاتىر. دەمەك، بۇل الداعى ۋاقىتتا ەكى ەل اراسىنداعى ەكونوميكالىق دامۋ ىلگەرلەمەسە تومەندەمەيدى دەگەن ءسوز. وسى رەتكى كورمەدە تۇرعىندار قىتايدىڭ ساپالى تاۋارلارىن تانىپ، ەكى ەل كاسىپكەرلەرى اراسىندا ىسكەرلىك بايلانىس ورناپ، ءبىراز كەلىسىم-شارتتارعا قول قويىلدى. قازاقستاندىق كاسىپكەرلەر وزدەرىنە سەنىمدى سەرىكتەس، ينۆەستورلار تاۋىپ جاتسا ءبىزدىڭ ەكونوميكامىزدىڭ دامۋىنا دا ىقپالى زور. بۇگىنگى تاڭدا قازاقستان-قىتاي ەكى تاراپ شاڭحاي ىنتىماقساتىعى ۇيىمى اياسىندا دا ساياسي، ەكونوميكالىق ىنتىماقتاستىقتى توقتاۋسىز نىعايتىپ، حالىقارلىق ارەناداعى ىسكەرلىك، ستراتەگيالىق ءىس-قيمىلداردى جانداندىرۋ تۇسكەنىن اڭعارۋ قيىن ەمەس. ەكونوميكالىق ءوزارا تولىقتىرۋشىلىق، گەوگرافيالىق جاقىندىق، كۇشتى ەكونوميكالىق دامۋ جانە ەكىجاقتى كەڭ كولەمدى رەفورمالاردىڭ ءجۇرىپ وتىرۋى- قىتاي-قازاقستان دوستىق قارىم-قاتىناستارىنىڭ دامي تۇسۋىنە نەگىز بولىپ وتىر. وسى رەتكى كورمەگە جۇڭگو تاراپىنان كوپتەگەن الپاۋىت كومپانيالاردىڭ قىزىعۋشىلىق تانىتىپ، ينۆەستيسيالىق، ساۋدا-ساتتىق كەلىسىم ءۇشىن ارنايى كەلۋى- ەكى ەل كاسىپكەرلەرىنىڭ ماڭىزدى كەلىسىمدەرىنە نەگىز بولادى. كورمە ءوتىپ جاتقان وسى ءتورت كۇن ىشىندە 7000-نان استام ىسكەري بايلانىستار بولۋدا.
