Qańtardaǵy oqiǵaǵa taǵy da toqtalǵan Prezident «Qarýly bandalar, qylmyskerler men opasyz sheneýnikter birigip, astyrtyn top qurdy. Ishki jáne syrtqy jaýlarymyz ózara ymyralasyp, bilikti basyp alǵysy keldi. Qatań sheshim qabyldaýǵa týra keldi. Bul meniń prezidenttik jáne perzenttik boryshym bolatyn» dedi.
Memleket basshysy jyl basyndaǵy qandy qaqtyǵysta qaza bolǵandardyń otbasylaryna jáne jaqyndaryna taǵy da qaiǵylaryna ortaqtasyp kóńil aitty.
Jaqynda ǵana ataýy «Amanat» bolyp ózgergen bas partiia tóraǵalyǵynan bas tartatynyn málimdegen Qasym-Jomart Kemeluly budan bylai «el prezidentiniń týystaryna zańdy túrde memlekettik qyzmette jáne kvazimemlekettik sektorlarda laýazymdy qyzmet atqarýǵa tyiym salynady. Bul zańnama Konstitýtsiiaǵa da engiziledi. Sonymen birge, oblys jáne qala ákimderin taǵaiyndaý erejesi de ózgeredi» dep málimdedi.
Joldaýdaǵy taǵy bir jańalyq – «Ulttyq quryltaidyń» qurylýy jóninde. Qoǵamdyq institýt quramyna barlyq aimaq ókilderi engiziletin bolady. Oǵan el jaiynan habardar, azamattyq ustanymy berik qoǵam belsendileri tartylmaq.
Joldaýda qamtylmaǵan tustar az. Saiasi reforma, sailaý úderisin jańǵyrtý, Quqyq qorǵaý institýttaryn kúsheitý, Ata Zańymyzǵa engiziletin ózgerister, quqyqtyq teńdik, ekonomika, óndiris, aýyl sharýashylyǵy, eldiń ákimshilik-aýmaqtyq qurylymyn jetildirý máselelerine qatysty naqty tapsyrmalar berildi.
Sonymen qatar, Q.Toqaev Joldaýda BAQ-nyń básekege qabiletin arttyrý jáne azamattyq qoǵam institýttarynyń rólin nyǵaitý máselelerine erekshe toqtaldy.
«Otandyq aqparat quraldarynyń Qazaqstanda, óńirde jáne álemde bolyp jatqan úderister týraly óz kózqarasy bolýǵa tiis. Elimizdiń aqparattyq qaýipsizdigi, tipti ideologiialyq derbestigi osyǵan tikelei bailanysty. Memleket ashyq aqparattyq keńistik pen suranysqa ie ári pármendi aqparat quraldaryn qurýǵa airyqsha nazar aýdarady. Buqaralyq aqparat quraldary bilik pen halyqtyń arasyndaǵy tiimdi bailanys arnasy bola otyryp, eldegi qordalanǵan máselelerdi kótere alady jáne kóterýge mindetti. Biraq, muny joǵary azamattyq jaýapkershilikpen jasaý kerek. Bizdiń qoǵamymyzdy ydyratý úshin syrttan beriletin tapsyrystarmen jumys isteýge nemese kóleńkeli qalamaqy úshin saiasi klandardyń astyrtyn tartysyna qatysýǵa bolmaidy. Jýrnalister óz eline jáne azamattaryna shynaiy janashyr bolýǵa tiis. Buqaralyq aqparat quraldary bekerden beker «tórtinshi bilik» atanbasa kerek. Sol sebepti sizder jurttyń sanasy men sezimine yqpal etý máselesine muqiiat qaraǵandaryńyz jón. Táýelsiz ári jaýapkershiligi joǵary buqaralyq aqparat quraldary bolmasa, qoǵamdy odan ári demokratiialandyrý múmkin emes ekenine senimdimin. Sondyqtan memlekettiń múddesin, qoǵamnyń suranysyn jáne mediasalanyń damý úrdisin eskere otyryp, BAQ týraly zańdy qaita qaraý kerek». Tapsyrma naqty.
Sondai-aq, Qazaqstannyń aldynda turǵan mindetter memleket pen úkimettik emes uiymdardyń tyǵyz yntymaqtastyqta jumys júrgizýin, azamattyq qoǵam institýttaryn júieli túrde jańǵyrtýdy talap etetinin qozǵady. «Reformalardy ázirleý jáne ony júzege asyrý isine qoǵamdyq uiymdar men belsendi azamattardy barynsha tartý qajet. Sol úshin, eń aldymen, ulttyq jobalar men strategiialyq qujattardyń bári ashyq talqylanýyn qamtamasyz etý kerek. Bul másele boiynsha jasandy pikirtalas ótkizip, kózboiaýshylyq jasaýǵa bolmaidy».
«Reforma jasap jatyrmyz degen ataq úshin ǵana reforma jasaýdyń eshkimge qajeti joq. Qaǵaz betinde ǵana júzege asyrylǵan, biraq shyndyqqa esh janaspaityn jalǵan tabystarǵa masattanyp otyratyn zaman kelmeske ketti. Halyqqa kópirme sóz, bos ýáde emes, kózben kórip, qolmen ustaýǵa bolatyn oń ózgerister kerek».
Prezident aitqan jańa reformalar men ózgeristerdiń bárin sapaly iske asyrý úshin halyqtyń yntymaq birligi, senimi men qoldaýy qajet.
Ańsar ÓSERBAEV, Túrkistan oblysy Qoǵamdyq damý basqarmasynyń basshysy
