Quny 13 milliard teńge (27 million dollar) turatyn Túrkistan sý jinaý arnasy memleket menshigine qaitaryldy, dep habarlaidy Dalanews.kz.
2023 jyly "Qazsýsharýashylyǵy" Túrkistan filialy "SK Parasat" JShS-ǵa uzyndyǵy 13,9 shaqyrym bolatyn "Táýelsizdikke 20 jyl" sý tartý kanalyn tegin bergen.
"Prokýrorlardyń bul isti qaraýyna Jetisai jáne Maqtaaral aýdandarynda atalǵan kanal arqyly sýarmaly sý alatyn sharýa qojalyqtarynyń quqyqtary men zańdy múddeleriniń buzylýy negiz boldy", - dep habarlady prokýratýra.
Sonymen qatar jańa qojaiyn bul kanaldy durys paidalanbaǵan, arnany tazalaý jumystary júrgizilmegen, bógetti nyǵaitýǵa arnalǵan qum shyǵarylǵan, sonyń saldarynan onyń tutastyǵy buzylǵan, dep túsindirdi qadaǵalaý organy.
Oblystyq prokýratýranyń habarlaýynsha, olar Astana qalalyq sotynyń apelliatsiialyq alqasyna memlekettik múlikti aqysyz berý týraly kelisimdi jaramsyz dep taný týraly shaǵym túsirgen.
