قۇنى 13 ميلليارد تەڭگە (27 ميلليون دوللار) تۇراتىن تٷركٸستان سۋ جيناۋ ارناسى مەملەكەت مەنشٸگٸنە قايتارىلدى, دەپ حابارلايدى Dalanews.kz.
2023 جىلى "قازسۋشارۋاشىلىعى" تٷركٸستان فيليالى "سك پاراسات" جشس-عا ۇزىندىعى 13,9 شاقىرىم بولاتىن "تەۋەلسٸزدٸككە 20 جىل" سۋ تارتۋ كانالىن تەگٸن بەرگەن.
"پروكۋرورلاردىڭ بۇل ٸستٸ قاراۋىنا جەتٸساي جەنە ماقتاارال اۋداندارىندا اتالعان كانال ارقىلى سۋارمالى سۋ الاتىن شارۋا قوجالىقتارىنىڭ قۇقىقتارى مەن زاڭدى مٷددەلەرٸنٸڭ بۇزىلۋى نەگٸز بولدى", - دەپ حابارلادى پروكۋراتۋرا.
سونىمەن قاتار جاڭا قوجايىن بۇل كانالدى دۇرىس پايدالانباعان, ارنانى تازالاۋ جۇمىستارى جٷرگٸزٸلمەگەن, بٶگەتتٸ نىعايتۋعا ارنالعان قۇم شىعارىلعان, سونىڭ سالدارىنان ونىڭ تۇتاستىعى بۇزىلعان, دەپ تٷسٸندٸردٸ قاداعالاۋ ورگانى.
وبلىستىق پروكۋراتۋرانىڭ حابارلاۋىنشا, ولار استانا قالالىق سوتىنىڭ اپەللياتسييالىق القاسىنا مەملەكەتتٸك مٷلٸكتٸ اقىسىز بەرۋ تۋرالى كەلٸسٸمدٸ جارامسىز دەپ تانۋ تۋرالى شاعىم تٷسٸرگەن.
