Almatyda ákimshilik quqyq buzýshylyq saldarynan arnaiy turaqqa jetkizilgen kólikterdi evakýatsiialaý jáne saqtaý úshin aqy alynatyn bolady. Jańa tártip 4 qazannan bastap kúshine enedi, dep habarlaidy dalanews.kz.
Qalalyq máslihattyń 18 qyrkúiektegi kezekten tys sessiiasynda kommýnaldyq arnaiy turaqtarǵa kólik jetkizý jáne ony ýaqytsha saqtaý tarifteri bekitilgen.
Jańa tártip boiynsha kólikti evakýatsiialaý quny barlyq sanat úshin 3 AEK, iaǵni 12 975 teńge bolady.
Jeńil kólikti arnaiy turaqta saqtaý úshin alǵashqy táýlikke 2,5 AEK nemese 10 812,5 teńge, al keiingi ár táýlikke 5 AEK, iaǵni 21 625 teńge tólenedi.
Qalalyq kólik basqarmasy arnaiy turaqtarda turǵan kólik ielerine quqyq buzýshylyqtardy joiyp, kólikterin 3 qazanǵa deiin alyp ketýdi usyndy.
Bul ózgeris barlyq evakýatsiia jaǵdaiyna qatysty emes. Tarifter tek Ákimshilik quqyq buzýshylyq týraly kodekste kózdelgen negizder boiynsha ustalyp, zań talaptaryna sáikes arnaiy turaqqa jetkizilgen kólikterge qoldanylady.
Iaǵni kólikti basqa sebeptermen evakýatsiialaý jaǵdailaryna bul tártip avtomatty túrde qoldanylmaidy.
