Atyraý oblysynyń tótenshe jaǵdai jónindegi jedel shtaby ókilderi Qulsary qalasyndaǵy ómir tasqynnan keiin birtindep qalpyna kele bastaǵanyn málimdedi, - dep habarlaidy Dalanews.kz.
Vedomstvo málimetinshe, qalalyq azyq-túlik dúkenderi men sýpermarketter, sondai-aq, qoǵamdyq kólikter óz qyzmetin qaita bastaǵan. Eki kún ishinde avtobýstar jolaýshylarǵa óz qyzmetterin tegin kórsetedi. Qalanyń barlyq jerinde kommýnaldyq infraqurylym iske qosylyp jatyr.
Sonymen qatar, quzyrly organdar sý tasqynynan zardap shekkenderge kómek kórsetý máselesin qarastyryp jatyr.
"Qazirgi ýaqytta jedel shtab sý tasqyny kezinde sý basqan aýmaqtardy qurǵatýmen ainalysyp jatyr. Zań boiynsha, tabiǵi sipattaǵy tótenshe jaǵdai saldarynan azamattarǵa keltirilgen shyǵyndy óteý maqsatynda arnaiy komissiia qurylady", - dedi Jylyoi aýdany ákiminiń orynbasary Gúlnafis Aishýaqova.
Sondai-aq, Uly Jem ózeni óz arnasyna túse bastaǵan.
Aita keteiik, buǵan deiin Atyraý oblysy Jylyoi aýdany Qulsary qalasynda 3 myńǵa jýyq úi sý astynda qalǵany habarlandy. Bul - Qazaqstannyń Tótenshe jaǵdailar ministrligi keltirgen derek.
Sý tasqynyń saldaryn joiýǵa 231 tehnika, 1198 jeke quram, 18 júzý quraly, 19 birlik motopompa jumyldyrylǵan.
Atyraý oblysy Qulsary qalasynan jalpy sany 33 641 adam kóshirildi jáne 201 ýaqytsha ornalasý oryndary daiyndaldy.
Jalpy sany 84 qońyraý túsip, 173 adam qutqaryldy, onyń ishinde 15i - bala. 248 mal basy jáne 27 úi janýarlary qaýipsiz oryndarǵa kóshirilgen.
