اتىراۋ وبلىسىنىڭ توتەنشە جاعداي جونىندەگى جەدەل شتابى وكىلدەرى قۇلسارى قالاسىنداعى ءومىر تاسقىننان كەيىن بىرتىندەپ قالپىنا كەلە باستاعانىن مالىمدەدءى، - دەپ حابارلايدى Dalanews.kz.
ۆەدومستۆو مالىمەتىنشە، قالالىق ازىق-تۇلىك دۇكەندەرى مەن سۋپەرماركەتتەر، سونداي-اق، قوعامدىق كولىكتەر ءوز قىزمەتىن قايتا باستاعان. ەكى كۇن ىشىندە اۆتوبۋستار جولاۋشىلارعا ءوز قىزمەتتەرىن تەگىن كورسەتەدى. قالانىڭ بارلىق جەرىندە كوممۋنالدىق ينفراقۇرىلىم ىسكە قوسىلىپ جاتىر.
سونىمەن قاتار، قۇزىرلى ورگاندار سۋ تاسقىنىنان زارداپ شەككەندەرگە كومەك كورسەتۋ ماسەلەسىن قاراستىرىپ جاتىر.
"قازىرگى ۋاقىتتا جەدەل شتاب سۋ تاسقىنى كەزىندە سۋ باسقان اۋماقتاردى قۇرعاتۋمەن اينالىسىپ جاتىر. زاڭ بويىنشا، تابيعي سيپاتتاعى توتەنشە جاعداي سالدارىنان ازاماتتارعا كەلتىرىلگەن شىعىندى وتەۋ ماقساتىندا ارنايى كوميسسيا قۇرىلادى"، - دەدى جىلىوي اۋدانى اكىمىنىڭ ورىنباسارى گۇلنافيس ايشۋاقوۆا.
سونداي-اق، ۇلى جەم وزەنى ءوز ارناسىنا تۇسە باستاعان.
ايتا كەتەيىك، بۇعان دەيىن اتىراۋ وبلىسى جىلىوي اۋدانى قۇلسارى قالاسىندا 3 مىڭعا جۋىق ءۇي سۋ استىندا قالعانى حابارلاندى. بۇل - قازاقستاننىڭ توتەنشە جاعدايلار مينيسترلىگى كەلتىرگەن دەرەك.
سۋ تاسقىنىڭ سالدارىن جويۋعا 231 تەحنيكا، 1198 جەكە قۇرام، 18 ءجۇزۋ قۇرالى، 19 بىرلىك موتوپومپا جۇمىلدىرىلعان.
اتىراۋ وبلىسى قۇلسارى قالاسىنان جالپى سانى 33 641 ادام كوشىرىلدى جانە 201 ۋاقىتشا ورنالاسۋ ورىندارى دايىندالدى.
جالپى سانى 84 قوڭىراۋ ءتۇسىپ، 173 ادام قۇتقارىلدى، ونىڭ ىشىندە 15ءى - بالا. 248 مال باسى جانە 27 ءۇي جانۋارلارى ءقاۋىپسىز ورىندارعا كوشىرىلگەن.
