Atyraý oblysy Jylyoi aýdany Qulsary qalasynda sý basqan úiler sany 2680-ge jetti, - dep habarlaidy Dalanews.kz.
QR TJM kúshteri Jem ózeni arnasynan asyp, Qulsary qalasyn sý basýyna bailanysty 8150 qapqa qum toltyryp, 2200 metr qorǵanys bógetterin bekitti.
TJM baspasóz qyzmeti málimetinshe, 20 qońyraý túsken, 9 adam, onyń ishinde 4 bala qutqarylǵan. 34 adam qaýipsiz jerge kóshirildi, 40 úi janýary evakýatsiialandy.
Buǵan deiin Jylyoi aýdany turǵyndary qazirgi jaǵdai týraly aitqan edi.
"Qazir sý basqan aýyldardaǵy turǵyndardy qaýipsiz jerde turǵan mektepterge evakýatsiia jasap jatyr. Jalpy Jylyoi aýdany boiynsha 4 sáýir kúni tótenshe jaǵdai jariialanyp, 5 sáýir kúni sirena iske qosyldy. Ákimdik qolynan kelgenderin jasady, árine. Olardy da kinálaýǵa bolmas. Dese de sýdyń qarqyny qatty, aǵysy kúshti.
Sý bulai qatty keledi dep oilamaǵan edik. Jyldaǵy, kóktemdegi qardyń erigen sýy dep júr edik, biraq tasqyn sý tolastap kelip, ákimdik tótenshe jaǵdai jariialaǵanda ǵana jinaqtalyp, esimizdi jidyq. Qazirgi tańda qalada kóp úidi topan sý basty. Turǵyndar kóz aldynda úi sýǵa ketkende eriksiz jylap jatyr.
Qalanyń bárin sý basyp jatyr. Ortalyq, bazar, kalalyq ákimdik, jeke kásipkerlik oryndar, meiramhanalar, mektepterge de sý kirdi", - dedi ol.
Sý tasqynynan zardap shekkender qatary artyp barady. Biri týystarynyń úiin jaǵalasa, biri aýyl mektepterin panalap jatyr.
Al 4 sáýirde saǵat 09:50 shamasynda A-33 Dossor-Qulsary tasjolynyń 101-shaqyrymynda Jem ózeniniń arnasynan sý tasyp, joldy sý alyp ótken edi.
"Qazir erigen qar sýyn aǵyzý boiynsha jumystar atqarylyp jatyr. 10 adam men 4 tehnika jumyldyryldy", - dep habarlady QazAvtoJol.
Sonymen qatar, Dossor - Qulsary - Beineý - Saiótes - Shetpe - Jetibai - Aqtaý tasjolynyń 4-119 shaqyrymynda kólik quralynyń barlyq túri úshin qozǵalys shekteldi.
