اتىراۋ وبلىسى جىلىوي اۋدانى قۇلسارى قالاسىندا سۋ باسقان ۇيلەر سانى 2680-گە جەتتى، - دەپ حابارلايدى Dalanews.kz.
ق ر تجم كۇشتەرى جەم وزەنى ارناسىنان اسىپ، قۇلسارى قالاسىن سۋ باسۋىنا بايلانىستى 8150 قاپقا قۇم تولتىرىپ، 2200 مەتر قورعانىس بوگەتتەرىن بەكىتتى.
تجم باسپا ءسوز قىزمەتى مالىمەتىنشە، 20 قوڭىراۋ تۇسكەن، 9 ادام، ونىڭ ىشىندە 4 بالا قۇتقارىلعان. 34 ادام ءقاۋىپسىز جەرگە كوشىرىلدى، 40 ءۇي جانۋارى ەۆاكۋاسيالاندى.
بۇعان دەيىن جىلىوي اۋدانى تۇرعىندارى قازىرگى جاعداي تۋرالى ايتقان ەدى.
"ءقازىر سۋ باسقان اۋىلدارداعى تۇرعىنداردى ءقاۋىپسىز جەردە تۇرعان مەكتەپتەرگە ەۆاكۋاسيا جاساپ جاتىر. جالپى جىلىوي اۋدانى بويىنشا 4 ءساۋىر كۇنى توتەنشە جاعداي جاريالانىپ، 5 ءساۋىر كۇنى سيرەنا ىسكە قوسىلدى. اكىمدىك قولىنان كەلگەندەرىن جاسادى، ارينە. ولاردى دا كىنالاۋعا بولماس. دەسە دە سۋدىڭ قارقىنى قاتتى، اعىسى كۇشتى.
سۋ بۇلاي قاتتى كەلەدى دەپ ويلاماعان ەدىك. جىلداعى، كوكتەمدەگى قاردىڭ ەرىگەن سۋى دەپ ءجۇر ەدىك، ءبىراق تاسقىن سۋ تولاستاپ كەلىپ، اكىمدىك توتەنشە جاعداي جاريالاعاندا عانا جيناقتالىپ، ەسىمىزدى جيدىق. قازىرگى تاڭدا قالادا كوپ ءۇيدى توپان سۋ باستى. تۇرعىندار كوز الدىندا ءۇي سۋعا كەتكەندە ەرىكسىز جىلاپ جاتىر.
قالانىڭ ءبارىن سۋ باسىپ جاتىر. ورتالىق، بازار، كالالىق اكىمدىك، جەكە كاسىپكەرلىك ورىندار، مەيرامحانالار، مەكتەپتەرگە دە سۋ كىردى"، - دەدى ول.
سۋ تاسقىنىنان زارداپ شەككەندەر قاتارى ارتىپ بارادى. ءبىرى تۋىستارىنىڭ ءۇيىن جاعالاسا، ءبىرى اۋىل مەكتەپتەرىن پانالاپ جاتىر.
ال 4 ساۋىردە ساعات 09:50 شاماسىندا ا-33 دوسسور-قۇلسارى تاسجولىنىڭ 101-شاقىرىمىندا جەم وزەنىنىڭ ارناسىنان سۋ تاسىپ، جولدى سۋ الىپ وتكەن ەدى.
"ءقازىر ەرىگەن قار سۋىن اعىزۋ بويىنشا جۇمىستار اتقارىلىپ جاتىر. 10 ادام مەن 4 تەحنيكا جۇمىلدىرىلدى"، - دەپ حابارلادى قازاۆتوجول.
سونىمەن قاتار، دوسسور - قۇلسارى - بەينەۋ - سايوتەس - شەتپە - جەتىباي - اقتاۋ تاسجولىنىڭ 4-119 شاقىرىمىندا كولىك قۇرالىنىڭ بارلىق ءتۇرى ءۇشىن قوزعالىس شەكتەلدى.
