Atyraý oblysy Qulsary qalasynda joǵalǵan ákesi men balasy óli tabyldy, - dep habarlaidy Dalanews.kz.
14 sáýirde tańǵy saǵat 9 shamasynda TJD kúshterimen jáne turǵyndardyń kómegimen er adamnyń denesi tabyldy. Artynsha saǵat 13:40-ta TJD kúshterimen 2000 jyly týǵan jigittiń denesi óz turǵyn úiinen 1 shaqyrym qashyqta 1.5 metr tereńdikte sý astynan tabyldy.
Atyraý oblystyq TJD málimetinshe, 6 sáýirde saǵat 17:52-de Qulsary qalasy 4-shaǵynaýdan Avtodorojnik kóshesi Grand Hall meiramhanasynyń qasynda ornalasqan sý basqan úiin qaraýǵa 1976 jyly týǵan azamat pen onyń 2000 jyly týǵan uly barǵany, alaida olardyń sol ýaqyttan beri habarsyz ketkeni jóninde habarlama túsken.
Habarlama túsken boida qutsharýshylar meken-jaiǵa barǵan. Úidiń esigi penamen bekitilgeni anyqtalǵan.
"Bul shaqyrtý boiynsha 6 sáýirde saǵat 20:57-de qutqarýshylar, 5 qaiyq, 1 tehnika (trekol) jumyldyrylyp, táýlik boiy izdedi", - dep jazylǵan vedomstvo habarlamasynda.
Vedomstvo málimetinshe, Qulsary qalasynda 6 sáýirde sý basý saldarynan shaqyrtýlar kóp túsken.
Jylyoi aýdanynda tótenshe jaǵdai jariialanǵan ýaqyttan 7 sáýirge deiin 26 467 turǵyn, onyń ishinde 5976 bala evakýatsiialanǵan.
