Timýr Qulybaevtyń kompaniiasyna tiesili "Suiytylǵan munai gazyn saqtaý parki" JShS ulttyq kompaniiadan bereshek aqshasyn óndirip alýǵa tyrysqan, - dep habarlaidy Dalanews.kz bes.media-ǵa siltep.
Astana soty "Suiytylǵan munai gazyn saqtaý parki" JShS-niń "QazMunaiGaz" AQ-tan 1,1 mlrd teńge kólemindegi bereshekti óndirip alý týraly apelliatsiialyq shaǵymyn qabyldamady.
"Suiytylǵan munai gazyn saqtaý parki" JShS-niń úsh quryltaishysy bar:
- Joint Technologies JShS (Raýshan Saǵdieva men "Kipros"kompaniiasyna tiesili. Sońǵysynyń iesi – Timýr Qulybaev - eks-prezident Nursultan Nazarbaevtyń kúieý balasy);
- "Atyraý munai óńdeý zaýyty" JShS;
- "Kókseńgir" JShS.
"Suiytylǵan munai gaz parki" JShS derekteri boiynsha Atyraý MÓZ-nen munaidy aýystyryp tieý jáne saqtaý qyzmetteri úshin 1,1 mlrd teńge bereshek qalyp qoiǵan. 2022 jylǵy qańtarda Energetika ministrligi "QazMunaiGazǵa" osy qyzmet boiynsha shyǵyndy qaita óńdeý tarifine qosýdy tapsyrǵan. Biraq keiinirek, 2022 jylǵy 4 mamyrda básekelestikti qorǵaý jáne damytý agenttigi Atyraý MÓZ-de biryńǵai tehnologiialyq tsikldy bólý negizsiz ekenin habarlady.
Keiin JShS QazMunaiGazǵa osy qyzmetterge aqy tóleý úshin shart jasaý usynysymen júgindi. 2022 jylǵy 30 shildede taraptar shamamen 113 million teńgege shart jasasty. Talapker gazdy shildeden qyrkúiekke deiin satyp alýy, saqtaýy jáne jiberýi kerek edi. Sol jyly 1 qyrkúiekte JShS shart buzylǵany týraly habarlama alǵan. Bir aptadan keiin kompaniia "QazMunaiGazǵa" jáne Energetika ministrligine shildeden jeltoqsanǵa deiin aýystyryp tieý jáne saqtaý shartyn jasasý, sondai-aq, 2022 jylǵy qańtardan tamyzǵa deiingi 357,5 mln teńge mólsherindegi bereshekti tóleýge járdemdesý týraly ótinishpen júgindi.
"Is boiynsha taraptar men úshinshi tulǵa arasynda (Energetika ministrligi - esk.) ótinimder negizinde zaýyt shyǵarǵan jáne qubyr arqyly JShS rezervýarlaryna aidalǵan gazdy qabyldaý-tapsyrý aktilerine qol qoiyldy, sodan keiin "QazMunaiGaz" AQ-ǵa tapsyryldy, - delingen sot qujattarynda.
Osylaisha 2022 jylǵy 14 qańtardan 2023 jylǵy 5 shildege deiin jóneltilgen. 2023 jylǵy 10 tamyzda JShS jáne AMÓZ gazdy qabyldaý, saqtaý boiynsha qyzmetter kórsetýge shart jasasqan. 2023 jylǵy 27 qyrkúiekte JShS jáne zaýyt avans tólegen jaǵdaida qunyn tómendetý týraly qosymsha kelisim jasaǵan.
Munyń bári kompaniianyń "Qazmunaigazdan" 1,1 mlrd teńge óndirip alý týraly talappen sotqa júginýine negiz bolypty.
2023 jylǵy jeltoqsanda birinshi satydaǵy sot bereshek somany óndirip alýdan bas tartty, 2024 jylǵy aqpanda da bul sheshim ózgerissiz qaldy.
