تيمۋر قۇلىبايەۆتىڭ كومپانياسىنا تيەسىلى "سۇيىتىلعان مۇناي گازىن ساقتاۋ پاركى" ج ش س ۇلتتىق كومپانيادان بەرەشەك اقشاسىن ءوندىرىپ الۋعا تىرىسقان، - دەپ حابارلايدى Dalanews.kz bes.media-عا سىلتەپ.
استانا سوتى "سۇيىتىلعان مۇناي گازىن ساقتاۋ پاركى" ءجشس-نىڭ "قازمۇنايگاز" اق-تان 1،1 ملرد تەڭگە كولەمىندەگى بەرەشەكتى ءوندىرىپ الۋ تۋرالى اپەللياسيالىق شاعىمىن قابىلدامادى.
"سۇيىتىلعان مۇناي گازىن ساقتاۋ پاركى" ءجشس-نىڭ ءۇش قۇرىلتايشىسى بار:
- Joint Technologies ج ش س (راۋشان ساعدييەۆا مەن "كيپروس"كومپانياسىنا تيەسىلى. سوڭعىسىنىڭ يەسى – تيمۋر قۇلىبايەۆ - ەكس-پرەزيدەنت نۇرسۇلتان نازاربايەۆتىڭ كۇيەۋ بالاسى)؛
- "اتىراۋ مۇناي وڭدەۋ زاۋىتى" ج ش س؛
- "كوكسەڭگىر" ج ش س.
"سۇيىتىلعان مۇناي گاز پاركى" ج ش س دەرەكتەرى بويىنشا اتىراۋ موز-نەن مۇنايدى اۋىستىرىپ تيەۋ جانە ساقتاۋ قىزمەتتەرى ءۇشىن 1،1 ملرد تەڭگە بەرەشەك قالىپ قويعان. 2022 جىلعى قاڭتاردا ەنەرگەتيكا مينيسترلىگى "قازمۇنايگازعا" وسى قىزمەت بويىنشا شىعىندى قايتا وڭدەۋ تاريفىنە قوسۋدى تاپسىرعان. ءبىراق كەيىنىرەك، 2022 جىلعى 4 مامىردا باسەكەلەستىكتى قورعاۋ جانە دامىتۋ اگەنتتىگى اتىراۋ موز-دە ءبىرىڭعاي تەحنولوگيالىق سيكلدى ءبولۋ نەگىزسىز ەكەنىن حابارلادى.
كەيىن ج ش س قازمۇنايگازعا وسى قىزمەتتەرگە اقى تولەۋ ءۇشىن شارت جاساۋ ۇسىنىسىمەن جۇگىندى. 2022 جىلعى 30 شىلدەدە تاراپتار شامامەن 113 ميلليون تەڭگەگە شارت جاساستى. تالاپكەر گازدى شىلدەدەن قىركۇيەككە دەيىن ساتىپ الۋى، ساقتاۋى جانە جىبەرۋى كەرەك ەدى. سول جىلى 1 قىركۇيەكتە ج ش س شارت بۇزىلعانى تۋرالى حابارلاما العان. ءبىر اپتادان كەيىن كومپانيا "قازمۇنايگازعا" جانە ەنەرگەتيكا مينيسترلىگىنە شىلدەدەن جەلتوقسانعا دەيىن اۋىستىرىپ تيەۋ جانە ساقتاۋ شارتىن جاساسۋ، سونداي-اق، 2022 جىلعى قاڭتاردان تامىزعا دەيىنگى 357،5 ملن تەڭگە مولشەرىندەگى بەرەشەكتى تولەۋگە جاردەمدەسۋ تۋرالى وتىنىشپەن جۇگىندى.
"ءىس بويىنشا تاراپتار مەن ءۇشىنشى تۇلعا اراسىندا (ەنەرگەتيكا مينيسترلىگى - ەسك.) وتىنىمدەر نەگىزىندە زاۋىت شىعارعان جانە قۇبىر ارقىلى ج ش س رەزەرۆۋارلارىنا ايدالعان گازدى قابىلداۋ-تاپسىرۋ اكتىلەرىنە قول قويىلدى، سودان كەيىن "قازمۇنايگاز" اق-عا تاپسىرىلدى، - دەلىنگەن سوت قۇجاتتارىندا.
وسىلايشا 2022 جىلعى 14 قاڭتاردان 2023 جىلعى 5 شىلدەگە دەيىن جونەلتىلگەن. 2023 جىلعى 10 تامىزدا ج ش س جانە ءاموز گازدى قابىلداۋ، ساقتاۋ بويىنشا قىزمەتتەر كورسەتۋگە شارت جاساسقان. 2023 جىلعى 27 قىركۇيەكتە ج ش س جانە زاۋىت اۆانس تولەگەن جاعدايدا قۇنىن تومەندەتۋ تۋرالى قوسىمشا كەلىسىم جاساعان.
مۇنىڭ ءبارى كومپانيانىڭ "قازمۇنايگازدان" 1،1 ملرد تەڭگە ءوندىرىپ الۋ تۋرالى تالاپپەن سوتقا جۇگىنۋىنە نەگىز بولىپتى.
2023 جىلعى جەلتوقساندا ءبىرىنشى ساتىداعى سوت بەرەشەك سومانى ءوندىرىپ الۋدان باس تارتتى، 2024 جىلعى اقپاندا دا بۇل شەشىم وزگەرىسسىز قالدى.
