Eks-prezident Nazarbaevtyń kúieý balasy, oligarh Qulybaev ulttyq parktegi taǵy bir kottedjinen aiyrylýy múmkin, - dep habarlaidy Dalanews.kz.
FBRK Telegram-arnasy málimetinshe, Ile-Alataý ulttyq parki Timýr Qulybaevtyń kompaniiasyna tiesili taǵy bir kottedjdi buzýdy talap etip otyr. Saiabaq ókilderi bul nysan jeke úi retinde paidalanylady dep otyr.
Al Nege.Aqsha málimetinshe, 2011 jyly negizgi iesi Qulybaev sanalatyn "Kipros" JShS Talǵar aýdanynyń Kókbastaý ormanshylyǵynan 2 gektar jer ýchaskesin paidalanýǵa alǵan.
"Jer týristik qyzmet úshin berilgen, alaida ol jerde qazir úi tur", - dep jazdy arna.
Ulttyq saiabaq ókilderi shartty buzýdy surap, sotqa júgindi, biraq sýdia daýdy beibit jolmen sheshýge áreket jasaý qajet ekenin málimdep, sot isin keiinge qaldyrypty.
Buǵan deiin "Kipros" JShS Ulttyq park aýmaǵyndaǵy basqa úidi buzyp, ýchaskeni memleketke qaitarýǵa mindettelgen bolatyn. Jer týrizmdi damytý úshin berilgen, biraq tekseris kezinde kelýshiler bolmaǵan.
FBRK málimetinshe, kompaniia bul nysan týristik maqsatta paidalanylmaidy degen tujyrymmen kelispeidi jáne ony súrý týraly sheshimge qarsy shyqqysy keledi.
Aita keteiik, buǵan deiin Nazarbaevtyń ortanshy kúieý balasy Timýr Qulybaev Ábý-Dábidiń óńsheń yǵai men syǵailar turatyn Nudra Villas aýdanynda villalar kesheniniń qurylysyn aiaqtaǵan bolatyn.
Nudra Villas aýdanyndaǵy villalar kesheniniń qurylys jumystary 2020 jyly bastalǵan bolatyn. Ál-Saadiiat aralyndaǵy keshende ár túrli 32 villa ornalasqan. Ázirshe aýqymdy jobanyń quny jaiynda naqty aqparat joq.
