"Perzent" balalar úiiniń direktory Ámina Ájibaeva taǵy bir málimdeme jasady, dep habarlaidy Dalanews.kz.
"Bul kúnderdi de ótkizip aldyq. Qudaiym buiyrsa, úidi bastadyq. Eshnárse qalmapty, bári kúiip ketipti. Qazir jumys istegenderge as jasap jatyrmyz. 20 mashina sý ketti. Búkil qalanyń tótenshe jaǵdai qyzmetine, Naýryzbai aýdanynyń órtsóndirýshilerine, politsiia bólimine, Qarasai aýdanynyń jigitterine - barshańa raqmet. Meniń basyma túsken kún senderge túspesin. Bul - maǵan bir synaq, men 30 jyl synaqtyń ishinde júrgen kisimin. 30 jylda ne kórmedim?! Jertólede de turdym. Bul kúnder de ótip ketedi", - dedi ol.
Ámina qajy el ishindegi qaýesetke qatysty da pikir bildirdi.
"Biz shot ashpadyq. Nelikten? Qazir "oibai, ana kempir úiin órtep tastapty" degender shyǵyp jatyr. Neǵylamyn men?! Keremet úiim tursa. Sol ósek taratqandarǵa: Qudai jazalaryńdy bersin, úide otyrǵan albasty qatyndar. Meniń ǵana shotym shyǵady. Basqa esh jerge salmańdar. Ákelip ótkizemin deseńder, osynda otyrmyn. Eshqandai qinalyp jatqan joqpyz. Eń úlken bereketim - balalarym aman. Balalarym shyǵyp úlgeripti. Órt monshadan ketken. Lap ete túsken", - dedi ol.
Buǵan deiingi jaǵdai
Eske salaiyq, 9 qarashada Almatyda balalar úii órtendi. Balalar úiiniń direktory Ámina Ájibaeva osy oqys oqiǵany paidalanyp, aqsha jinamaýdy surady.
Sonymen qatar, ol mekeme ádeii órtelip, jerdi ielený maqsatynda qasaqana uiymdastyrylǵan degen boljamdy joqqa shyǵardy.
