Búgin Májilis dálizinde QR Syrtqy ister mınıstriniń orynbasary Álibek Qýantyrov ózin qaýmalaǵan jýrnalıser suraǵyna jaýap berdi. Sonyń biri – ýkraınalyq drondar shabýyldaǵan Kaspıı qubyrlary konsorsıýmy (KQK) jelisine qatysty boldy, dep habarlaıdy Dalanews.kz.
Sheneýnik bul rette sózge sarańdaý bolyp shyqty:
"Biz óz alańdaýshylyǵymyzdy Ýkraına tarapyna jetkizdik. Olar atalǵan másele jaıynan qanyq. Iá, atalǵan ınfraqurylymǵa shabýyldar jasaldy, jalpy jaǵdaı túsinikti. Alaıda KQK shtattyq rejımde jumys istep jatyr. Biz óz munaıymyzdy eksporttap jatyrmyz. Eger taǵy da osyndaı jaǵdaı qaıtalansa, biz máseleni taǵy kóteremiz".
- Ýkraına jaýaby qandaı boldy?
- Biz olarmen baılanystamyz. Raqmet. Kelesi suraq...
Aıta ketsek, jyl basynan beri KQK júıesine kiretin birneshe nysan shabýylǵa ushyrady.
Kaspıı qubyr jelisi konsorsıýmyndaǵy úlestiń 24%-yn Reseı baqylap otyr. Qazaqstannyń atynan "QazMunaıGaz" 19% aksıaǵa ıe. Sondaı-aq, konsorsıým quramynda amerıkalyq Chevron Caspian Pipeline Consortium Company (15%) jáne Mobil Caspian Pipeline Company (7,5%) bar. Budan bólek, reseılik "Lýkoıl" 12,5%, Rosneft-Shell Caspian Ventures Limited (Reseı men Ulybrıtanıa) 7,5% aksıaǵa ıe.
