24 jylǵa bas bostandyǵynan aiyrylǵan burynǵy Ulttyq ekonomika ministri Qýandyq Bishimbaevtyń qaryndasy Arýjan Bishimbaeva áleýmettik jelide aǵasynyń isine qatysty óz kózqarasyn jariialady. Ol aǵasyna taǵylǵan aiyptardyń keibir tustary dálelsiz ekenin jáne qoǵamdyq pikirdiń shyndyqtan alshaqtap bara jatqanyn aitty, dep habarlaidy Dalanews.kz.
Arýjan Bishimbaeva sot úkimindegi «azaptaý» týraly baptyń negizsiz ekenine senimdi. Onyń aitýynsha, marqum Saltanat Núkenovanyń denesinde aýyr jaraqattar tirkelmegen, ishki aǵzalary men súiekteri de bútin bolǵan. Bishimbaeva denedegi kógergen jerlerdi «túngi tóbelestiń saldary» dep baǵalap, «shyn máninde, azaptaý belgileri joq» ekenin alǵa tartty.
«Ony eshkim ustap otyrǵan joq, eshkim azaptaǵan da joq. Qalasa kez kelgen ýaqytta ketýge múmkindigi boldy, biraq basqa tańdaý jasady jáne qatelesti», – deidi Arýjan Bishimbaeva.
Sonymen qatar ol áleýmettik jelidegi pikirlerge de narazylyǵyn bildirdi. Ásirese, aǵasyn maniakqa teńep, seriialyq qylmyskerlermen salystyrǵandardy «jaǵdaidy durys bilmeitin, basqa betterdi oqityn, emotsiiaǵa berilgen adamdar men orynsyz fanattar» dep atady.
Onyń pikirinshe, Bishimbaevtyń isi boiynsha shyǵarylǵan jaza tym qatal. Sonymen qatar, marqum Saltanat Núkenovanyń otbasynyń qazirgi áreketin «qarjy maqsatyndaǵy qýdalaýdy jalǵastyrý» dep esepteitinin bildirdi.
Budan bólek, Arýjan Bishimbaeva aǵasynyń burynǵy áieli Nazym Qaharmanǵa qatysty da pikir bildirdi. Onyń aitýynsha, Nazym eshqashan aǵasynyń tarapynan zorlyq-zombylyq týraly shaǵym aitpaǵan. «Jaqsy áielden, ásirese úsh balanyń anasynan eshkim ajyraspaidy», – dedi ol.
Eske salsaq, burynǵy ministr Qýandyq Bishimbaev 2024 jyly mamyrda áieli Saltanat Núkenovany óltirgeni úshin 24 jylǵa sottalǵan bolatyn. Sot materialdary boiynsha, Bishimbaev jubaiyn meiramhanada birneshe saǵat boiy uryp-soǵyp, keiin jábirlenýshige eshqandai kómek kórsetpei, bolǵan jaitty jasyrýǵa tyrysqan. Sot ony «erekshe qatygezdikpen kisi óltirý jáne júieli túrde azaptaý» baptary boiynsha kináli dep tapty. Bul is el ishinde keńinen talqylanyp, sot protsesi alqabilerdiń qatysýymen ótip, tikelei efirde kórsetilgen edi.
