– Ulttyq keńestiń hatshylyǵy maǵan esep berip otyr. Bul rette bıliktiń dıalog ornatýǵa jáne reforma jasaýǵa múddeli ekenine eshkimniń kúmáni joq dep oılaımyn.
Sizderdiń kópshiligińizben jeke kezdestim. Usynystaryńyzdy, bastamalaryńyzdy muqıat qarastyryp, birqatar ózekti máseleler jóninde pikir almastyq, – dep atap ótti Memleket basshysy.
Qazaqstan Prezıdenti Ulttyq keńes músheleri jumys barysynda qyzý pikirtalasqa túsip, mańyzdy jaǵdaılardy talqylaǵanyn atap ótti.
– Sonyń barysynda atap ótýi kerek, birqatar túıtkildi másele boıynsha ortaq ustanymǵa keldik. Bul demokratıany nyǵaıtýǵa jáne qoǵamnyń bıilkke degen senimin arttyrýǵa úlken serpin beretin jumys.
Bizdiń tájirıbemiz halyqaralyq uıymdar tarapynan joǵary baǵalanyp otyr. Kópshilik ony jaýapty ári syndarly dıalogtyń úlgisi retinde qabyldady.
Eń bastysy ulttyq keńes qoǵamnyń senimin aqtaı alatynyn dáleldi. Munyń taǵy bir mańyzdy qyry bar. Biz syndarly dıalog arqyly jańa saıası mádenıettiń negizin qalyptastyryp jatyrmyz. Sonyń arqasynda sanalýan pikirler men balama kózqarastar, syndarly ustanym, jaýapkershilik sıaqty qundylyqtar aldyńǵy qatarǵa shyǵady, – dedi Memleket basshysy.
