"Jolaýshylar tasymaly" AQ aldaǵy jaz mezgilinde 11 qosymsha temirjol baǵytyn iske qosady. Onyń ishinde Alakól baǵyty da bar. Bıletterdi 45 kún buryn aldyn ala satyp alýǵa bolady, dep habarlaıdy Dalanews.kz.
"Bul sheshim jolaýshylardyń demalys maýsymyndaǵy joǵary suranysyn qanaǵattandyrý maqsatynda qabyldandy. Jańa poıyzdar qozǵalys kestesine engizilip, birqatar baǵyttar boıynsha qatynaý jıiligi artatyn bolady. 2025 jylǵy maýsym men qyrkúıek aralyǵynda 3 Talgo quramy, 5 standartty poıyz jáne 3 poıyzǵa qosymsha vagondar jalǵanady. Qosymsha poıyzdardyń iske qosylýy 270 000-nan astam jolaýshyny tasymaldaýǵa múmkindik beredi", delingen "QTJ" UK" AQ baspasóz qyzmetiniń habarlamasynda.
- №253/254 "Astana — Dostyq" (Talgo) poıyzy aptasyna 2 ret qatynaıdy.
- №207/208 "Almaty — Jalańashkól" (Talgo) poıyzy belgilengen kúnderde qatynaıdy.
- №211/212 "Almaty — Dostyq" (Talgo) poıyzy kúnara qatynaıdy.
- №221/222 "Almaty — Dostyq" poıyzy aptasyna 3 ret qatynaıdy.
- №457/458 "Semeı — Dostyq" poıyzy kúnara qatynaıdy.
- №459/460 "Óskemen — Dostyq" poıyzy kúnara qatynaıdy.
- "Almaty — Dostyq" baǵytyndaǵy poıyzda qosymsha vagondar kúnara qatynaıdy.
- "Qyzylorda — Dostyq" baǵytyndaǵy poıyzda qosymsha vagondar kúnara qatynaıdy.
- "Pavlodar — Dostyq" baǵytyndaǵy poıyzda qosymsha vagondar kúnara qatynaıdy.
- №201/202 "Astana — Almaty" poıyzy kún saıyn júredi.
- №203/204 "Astana — Shymkent" poıyzy kún saıyn júredi.
Aıta ketsek, Alakól - Almaty men Abaı oblystaryn baılanystyryp jatqan mıneraldarǵa baı, shıpaly kól. Poıyz Abaı oblysynda ornalasqan ataqty Alakól sanatorııi basyna barmaıdy. Sońǵy núktesi – Almaty oblysyndaǵy Aqshı, Kóktuma stansasy. Bul - Alakóldiń ońtústik beti. Týrızmge bet burǵan bul óńirde demalys oryndary jeterlik.
