Jastar jylynda kóptegen iri kompaniialar bolashaǵynan úmit kúttiretin kadrlarǵa qumbyl kóńil bóle bastady. HR strategiia turǵysynan búgingi dáýirdiń talaby bólek, eskirgen ádis-amaldar ózektiligin joǵaltqan. Zamanaýi kadr saiasatyn júrgizýde – «QTJ» UQ AQ tóraǵasynyń orynbasary Serik Saqbaldyuly Ábdenovtiń temirjoldaǵy jastardy qoldaý baǵytyndaǵy is-áreketi nátijesin berýde.
Elimizdegi eń iri jumys berýshiniń biri sanalatyn «Qazaqstan temir joly» kompaniiasy – jańa dáýirdiń talaptaryn jatyrqamai qabyldady. Jastar jyly QTJ-ǵa óziniń «jastarǵa arnalǵan» jobalaryn jinaqtap, jas kadrlardy turaqty qoldaýǵa múmkindik berdi.
Kompaniiadaǵy kadr áleýetine jaýap beretin jáne bul baǵyttaǵy kóptegen jobalarǵa qoldaý tanytqan «QTJ» UQ AQ tóraǵasynyń orynbasary Serik Ábdenovtiń aitýynsha, «QTJ jas kadrdyń kásibi, shyǵarmashylyq tapqyrlyq, innovatsiialyq áleýetin damytýǵa barynsha kúsh salady».
Endeshe bul baǵytta naqty qandai jumys atqaryldy?
1. Kompaniia Jastar saiasat baǵdarlamasyn júzege asyrýda. Iá, búgingi jastar úshin munyń bári biýrokratiia sekildi kórinýi múmkin. Alaida iri kompaniiadaǵy strategiialyq qujat bul – jastardy qoldaýǵa naqty qarajat bólinip, olarǵa arnalǵan is-sharalar ótkizilip, jas kadrlardy qoldaýǵa baǵyttalǵan jańa mehanizmder engizileriniń naqty kepili.
2. Temir jol salasyn úzdik aiaqtaǵan túlekterge jyl saiyn «Magistral» baǵdarlamasy boiynsha ondaǵan bilim granttary beriledi, sonymen qatar QTJ-nyń atynan ataýly stipendiia taǵaiyndalady.
Kompaniia qamqorlyǵyndaǵy barlyq stýdentterdi oqýǵa túsken kezinen bastap ony aiaqtaǵanǵa deiingi aralyqta qoldap, qolpashtap otyrady.
Sonyń nátijesinde Qazaq transport jáne kommýnikatsiia akademiiasyn bitirgen 300-ge tarta túlek Ulttyq kompaniiaǵa jumysqa ornalasýǵa múmkindik aldy.
Serik Ábdenov bul týraly arnaiy baspasóz-jiynynda aitqan bolatyn.
3. QTJ is-tájiribeden ótkizý úshin óz qataryna elimizdegi orta jáne joǵary bilim beretin oqý oryndarynyń jastaryn belsendi tartýda. Serik Ábdenovtiń atap ótkenindei is-tájiribede ózin jaqsy jaǵynan kórsetken kadrlarǵa aqy tólenedi.
4. Kompaniiaǵa endi ornalasqan jas mamandarǵa qajetti áleýmettik kómek kórsetiledi. Atap aitar bolsaq, ailyǵyna qosymsha ústemaqy, ártúrli áleýmettik baǵdarlamalarǵa qatysý múmkindigi, otbasylyq tólemder jáne keibir kezderi páter máselesin sheshýge kómek qolyn sozady.
5. Jas kadrlardy qoldaýǵa arnalǵan kóptegen is-sharalar, onyń ishinde – forýmdar, arnaiy aktsiialar úzbei uiymdastyrylady.
Aitalyq, «Sen bolmasań, kim?» atty ujymdyq jastar lagerine Serik Ábdenovten bólek kompaniianyń ózge de basshylary belsendi atsalysty.
6. Az ýaqyttyń ishinde úlken suranysqa ie bolǵan «QTJ –nyń 100 jańa esimi» jobasynyń orny bir bólek. QTJ tóraǵasynyń orynbasary Serik Ábdenovtiń atap ótkenindei osynaý bastamanyń kómegimen biylǵy jyly kompaniianyń eń úzdik ári talantty kadrlary iriktelinip alynady. Olar MVA baǵdarlamasy boiynsha oqýǵa múmkindik alyp, shet elderde is-tájiribeden ótedi. Budan bólek IT jáne jańa tehnologiia salasyndaǵy álemdik áigili iventtarǵa qatysady.
7. Elimizdegi negizgi intellektýaldyq ortalyqtar, onyń ishinde Nazarbaev ýniversitetimen áriptestik bailanystar jolǵa qoiylýda. Bul óz kezeginde QTJ qataryndaǵy jas kadrlardyń kreativtiligi men biliktiligin arttyrýǵa jáne jumys barysyna jańa ideialardy kiriktirýge jol ashary sózsiz.
Búgingi tańda QTJ qataryndaǵy 126 myń adamnyń 36 paiyzy jastar. Sol sebepti kompaniianyń jańa top-menedjmentiniń bastamasymen qolǵa alynǵan jas kadrlardy qoldaý strategiiasy ózin-ózin aqtaityn joba, onyń nátijesin jaqyn ýaqytta kóretin bolamyz.
