جاستار جىلىندا كوپتەگەن ءىرى كومپانيالار بولاشاعىنان ءۇمىت كۇتتىرەتىن كادرلارعا قۇمبىل كوڭىل بولە باستادى. HR ستراتەگيا تۇرعىسىنان بۇگىنگى ءداۋىردىڭ تالابى بولەك، ەسكىرگەن ءادىس-امالدار وزەكتىلىگىن جوعالتقان. زاماناۋي كادر ساياساتىن جۇرگىزۋدە – «قتج» ۇق اق ءتوراعاسىنىڭ ورىنباسارى سەرىك ساقبالدى ۇلى ابدەنوۆتىڭ تەمىرجولداعى جاستاردى قولداۋ باعىتىنداعى ىس-ارەكەتى ناتيجەسىن بەرۋدە.
ەلىمىزدەگى ەڭ ءىرى جۇمىس بەرۋشىنىڭ ءبىرى سانالاتىن «قازاقستان تەمىر جولى» كومپانياسى – جاڭا ءداۋىردىڭ تالاپتارىن جاتىرقاماي قابىلدادى. جاستار جىلى قتج-عا ءوزىنىڭ «جاستارعا ارنالعان» جوبالارىن جيناقتاپ، جاس كادرلاردى تۇراقتى قولداۋعا مۇمكىندىك بەردى.
كومپانياداعى كادر الەۋەتىنە جاۋاپ بەرەتىن جانە بۇل باعىتتاعى كوپتەگەن جوبالارعا قولداۋ تانىتقان «قتج» ۇق اق ءتوراعاسىنىڭ ورىنباسارى سەرىك ابدەنوۆتىڭ ايتۋىنشا، «قتج جاس كادردىڭ كاسىبي، شىعارماشىلىق تاپقىرلىق، يننوۆاسيالىق الەۋەتىن دامىتۋعا بارىنشا كۇش سالادى».
ەندەشە بۇل باعىتتا ناقتى قانداي جۇمىس اتقارىلدى؟
1. كومپانيا جاستار ساياسات باعدارلاماسىن جۇزەگە اسىرۋدا. ءيا، بۇگىنگى جاستار ءۇشىن مۇنىڭ ءبارى بيۋروكراتيا سەكىلدى كورىنۋى مۇمكىن. الايدا ءىرى كومپانياداعى ستراتەگيالىق قۇجات بۇل – جاستاردى قولداۋعا ناقتى قاراجات ءبولىنىپ، ولارعا ارنالعان ءىس-شارالار وتكىزىلىپ، جاس كادرلاردى قولداۋعا باعىتتالعان جاڭا مەحانيزمدەر ەنگىزىلەرىنىڭ ناقتى كەپىلى.
2. تەمىر جول سالاسىن ۇزدىك اياقتاعان تۇلەكتەرگە جىل سايىن «ماگيسترال» باعدارلاماسى بويىنشا ونداعان ءبىلىم گرانتتارى بەرىلەدى، سونىمەن قاتار قتج-نىڭ اتىنان اتاۋلى ستيپەنديا تاعايىندالادى.
كومپانيا قامقورلىعىنداعى بارلىق ستۋدەنتتەردى وقۋعا تۇسكەن كەزىنەن باستاپ ونى اياقتاعانعا دەيىنگى ارالىقتا قولداپ، قولپاشتاپ وتىرادى.
سونىڭ ناتيجەسىندە قازاق ترانسپورت جانە كوممۋنيكاسيا اكادەمياسىن بىتىرگەن 300-گە تارتا تۇلەك ۇلتتىق كومپانياعا جۇمىسقا ورنالاسۋعا مۇمكىندىك الدى.
سەرىك ابدەنوۆ بۇل تۋرالى ارنايى ءباسپاسوز-جيىنىندا ايتقان بولاتىن.
3. قتج ىس-تاجىريبەدەن وتكىزۋ ءۇشىن ءوز قاتارىنا ەلىمىزدەگى ورتا جانە جوعارى ءبىلىم بەرەتىن وقۋ ورىندارىنىڭ جاستارىن بەلسەندى تارتۋدا. سەرىك ابدەنوۆتىڭ اتاپ وتكەنىندەي ىس-تاجىريبەدە ءوزىن جاقسى جاعىنان كورسەتكەن كادرلارعا اقى تولەنەدى.
4. كومپانياعا ەندى ورنالاسقان جاس ماماندارعا قاجەتتى الەۋمەتتىك كومەك كورسەتىلەدى. اتاپ ايتار بولساق، ايلىعىنا قوسىمشا ۇستەماقى، ءارتۇرلى الەۋمەتتىك باعدارلامالارعا قاتىسۋ مۇمكىندىگى، وتباسىلىق تولەمدەر جانە كەيبىر كەزدەرى پاتەر ماسەلەسىن شەشۋگە كومەك قولىن سوزادى.
5. جاس كادرلاردى قولداۋعا ارنالعان كوپتەگەن ءىس-شارالار، ونىڭ ىشىندە – فورۋمدار، ارنايى اكسيالار ۇزبەي ۇيىمداستىرىلادى.
ايتالىق، «سەن بولماساڭ، كىم؟» اتتى ۇجىمدىق جاستار لاگەرىنە سەرىك ابدەنوۆتەن بولەك كومپانيانىڭ وزگە دە باسشىلارى بەلسەندى اتسالىستى.
6. از ۋاقىتتىڭ ىشىندە ۇلكەن سۇرانىسقا يە بولعان «قتج –نىڭ 100 جاڭا ەسىمى» جوباسىنىڭ ورنى ءبىر بولەك. قتج ءتوراعاسىنىڭ ورىنباسارى سەرىك ابدەنوۆتىڭ اتاپ وتكەنىندەي وسىناۋ باستامانىڭ كومەگىمەن بيىلعى جىلى كومپانيانىڭ ەڭ ۇزدىك ءارى تالانتتى كادرلارى ىرىكتەلىنىپ الىنادى. ولار مۆا باعدارلاماسى بويىنشا وقۋعا مۇمكىندىك الىپ، شەت ەلدەردە ىس-تاجىريبەدەن وتەدى. بۇدان بولەك ءىت جانە جاڭا تەحنولوگيا سالاسىنداعى الەمدىك ايگىلى يۆەنتتارعا قاتىسادى.
7. ەلىمىزدەگى نەگىزگى ينتەللەكتۋالدىق ورتالىقتار، ونىڭ ىشىندە نازاربايەۆ ۋنيۆەرسيتەتىمەن ارىپتەستىك بايلانىستار جولعا قويىلۋدا. بۇل ءوز كەزەگىندە قتج قاتارىنداعى جاس كادرلاردىڭ كرەاتيۆتىلىگى مەن بىلىكتىلىگىن ارتتىرۋعا جانە جۇمىس بارىسىنا جاڭا يدەيالاردى كىرىكتىرۋگە جول اشارى ءسوزسىز.
بۇگىنگى تاڭدا قتج قاتارىنداعى 126 مىڭ ادامنىڭ 36 پايىزى جاستار. سول سەبەپتى كومپانيانىڭ جاڭا توپ-مەنەدجمەنتىنىڭ باستاماسىمەن قولعا الىنعان جاس كادرلاردى قولداۋ ستراتەگياسى ءوزىن-وزىن اقتايتىن جوبا، ونىڭ ناتيجەسىن جاقىن ۋاقىتتا كورەتىن بولامىز.
