Astananyń ákimshilik quqyqbuzýshylyqtar jónindegi mamandandyrylǵan aýdanaralyq soty «QTJ–Júk tasymaly» kompaniiasyna QR ÁQBtK-niń 159-babynyń 3-1-bóligi boiynsha 1,4 mlrd teńge kóleminde aiyppul salǵany týraly aqparat jariialanǵan bolatyn. Sot sheshimimen QTJ qomaqty aiyppuldy tólemeitin boldy, dep habarlaidy Dalanews.kz Polites.news saityna silteme jasap.
Aiyppul salýǵa Básekelestikti qorǵaý jáne damytý agenttiginiń qorytyndysy negiz bolǵan. Agenttik kompaniia 2023 jyly júk temirjol tasymaly naryǵyna qoljetimdilikti shektep, affilirlengen qurylymdarǵa - «QTJ-Ekspress» AQ men «Kedentransservis» AQ-qa artyqshylyq bergen dep kórsetken.
2025 jylǵy 22 tamyzdaǵy birinshi satydaǵy sot sheshimi 15 qyrkúiekte apelliatsiialyq instantsiia tarapynan ózgerissiz qaldyryldy. Osydan keiin aiyppul zańdy kúshine engen.
Alaida is kassatsiialyq tártipte Qadaǵalaý sotynyń tóraǵasynyń usynysy jáne Bas kólik prokýrorynyń mindetin atqarýshynyń narazylyǵy negizinde qaita qaraldy. Sot kompaniiany ákimshilik jaýapkershilikke tartý barysynda eleýli protsessýaldyq zańbuzýshylyqtarǵa jol berilgen degen qorytyndyǵa keldi.
Atap aitqanda, Joǵarǵy sot sol faktiler boiynsha buǵan deiin isti toqtatý týraly qaýly shyǵarylyp, materialdar Ekonomikalyq tergep-tekserý departamentine joldanǵanyn kórsetti. Soǵan qaramastan, ýákiletti organ keiin dál sol derekter boiynsha qaitadan ákimshilik hattama jasaǵan.
Bul áreket QR Ákimshilik quqyqbuzýshylyq týraly kodeksiniń talaptaryna qaishy keledi. Zańǵa sáikes, is toqtatylǵany jónindegi kúshin joimaǵan qaýly bar jaǵdaida, sol faktiler boiynsha jańa ákimshilik is qozǵaýǵa jol berilmeidi.
Sonymen qatar, kassatsiialyq sot aiyppul mólsherin esepteý kezinde tómengi satydaǵy sottar kompaniianyń barlyq tabysyn negizsiz túrde esepke alǵanyn atap ótti. Al zań boiynsha aiyppul tek básekelestikke qarsy áreketter oryn aldy dep kórsetilgen naqty tasymaldardan túsken tabysqa bailanysty eseptelýi tiis.
Nátijesinde Joǵarǵy sot birinshi jáne apelliatsiialyq satylardyń qaýlylaryn tolyqtai joiyp, ákimshilik quqyqbuzýshylyq quramynyń bolmaýyna bailanysty is júrgizýdi toqtatty.
Osylaisha, 2025 jyldyń kúzinde keńinen talqylanǵan 1,4 mlrd teńge kólemindegi rezonansty aiyppul BAQ-ta jariialanǵannan keiin tórt ai ótken soń túpkilikti túrde kúshin joidy.
