Abai atyndaǵy Qazaq ulttyq pedagogikalyq ýniversiteti QS Quacquarelli Symonds jahandyq joǵary bilim taldaý agenttigi jariialaǵan «QS World University Rankings – 2026» reitinginde álemniń eń úzdik ýniversitetteriniń qatarynan tabyldy. Al Ortalyq Aziia men Qazaqstannyń ishinen eń úzdik pedagogikalyq ýniversitetterdiń kóshin bastap tur, dep habarlaidy Dalanews.kz
Búgin halyqaralyq «QS World University Rankings – 2026» reitingine qatysýshy joǵary oqý oryndaryna sertifikattar men marapattardy tabystaý rásimi ótti. Jańa reitingte Abai ýniversiteti 628-oryndy ielenip, ótken jylmen salystyrǵanda birden 43 pozitsiiaǵa joǵary kóterildi (671–680 aralyǵy). Osylaisha, ýniversitet álemniń úzdik 650 joǵary oqý ornynyń qataryna kirip, Qazaqstannyń aldyńǵy qatarly úzdik 4 ýniversitetiniń biri retinde óz ornyn nyǵaitty. Sonymen qatar, QazUPÝ – Qazaqstan men Ortalyq Aziiadaǵy pedagogikalyq bilim berý salasynyń kóshbasshysyna ainaldy.
Atalǵan marapatty Abai atyndaǵy QazUPÝ Basqarma Tóraǵasy-Rektory Bolat Tilep qabyldap, ýniversitettiń jahandyq bilim keńistiginde joǵary baǵalanatynyn jetkizdi. Bul reitingtiń bilim berý sapasyn álemdik standarttar deńgeiinde jetildirýge, joǵary bilim berý úderisterin halyqaralyq tájiribemen úilestirýge jáne jahandyq trendterdi baqylaýǵa múmkindik beretinin erekshe atap ótti.
– Bul jai ǵana joǵary baǵa emes, bul – Abai ýniversitetiniń halyqaralyq arenadaǵy jáne jahandyq akademiialyq qaýymdastyqtaǵy jetekshi deńgeide moiyndalýy. Ýniversitettiń oqytý sapasyn, halyqaralyq áriptestigin, infraqurylymy men inkliýzivti joǵary deńgeiin dáleldeitin mańyzdy jetistik. Sonymen qatar, ýniversitettiń jahandyq básekege qabilettiligin arttyrýǵa baǵyttalǵan búkil ujymnyń júieli de kúndelikti eńbeginiń nátijesi. Ýniversitet ujymyn shyn júrekten quttyqtai otyryp, jańa jetistikter tileimin, – deidi Bolat Anapiiauly.
Marapattaý sharasynda elimizdiń ózge de úzdik dep tanylǵan 20 joǵary oqý ornyna sertifikat pen arnaiy belgi berildi. Aita keteiik, «QS World University Ranking» sertifikattaryn QS kompaniiasynyń bas kommertsiialyq direktory Djeison Niýman men QS Quacquarelli Symonds halyqaralyq reiting agenttiginiń óńirlik direktory Sergei Hristoliýbov saltanatty túrde búgin tabys etti.
