QR Kólik ministri Túrkistan oblysynyń turǵyndarymen kezdesý ótkizip, azamattardy jeke qabyldady, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Jiyn barysynda Marat Qarabaev ótken jyly halyqpen kezdesýde kóterilgen máselelerdiń oryndalý barysy týraly aqparatpen bólisti. Máselen, «Túrkistan-Saryaǵash» baǵytyndaǵy temirjol qatynasy qalpyna keltirildi. Jalpy uzyndyǵy 64 shaqyrymdy quraityn respýblikalyq mańyzy bar «Sháýildir-Túrkistan» tas jolyn qaita jańǵyrtý jumystary jalǵasýda, onyń 32 shaqyrymynda jumystar aiaqtalǵan.
Sondai-aq, Túrkistan (30 shaqyrym) jáne Saryaǵash (160 shaqyrym) qalalarynyń ainalma joldaryn salýǵa tiisti vedomstvo tarapynan qarajat qarastyrylǵan. Jumys 2025 jyly bastalady.
Ministrdiń usynysyna sáikes Túrkistan oblysy ákimdiginiń jolaýshylar kóligi jáne avtomobil joldary basqarmasynyń «Ońtústik joldary» memlekettik kommýnaldyq kásiporny qyzmetkerleriniń jalaqysy kóterildi. Osylaisha, 2024 jyldyń 1 qańtarynan bastap jalaqy 15 paiyzǵa ósti. Qyzmetkerlerdiń eńbek jaǵdaiyn jaqsartý jumystary jalǵasýda.
Búgingi kezdesý barysynda óńir turǵyndary Astana jáne Almaty qalalaryna áýe reisteriniń sanyn ulǵaitý, sondai-aq «Túrkistan-Qaraǵandy» baǵyty boiynsha áýe reisterin ashýdy, «Túrkistan-Samarqand» halyqaralyq áýe reisin qalpyna keltirý jáne «Túrkistan-Shymkent» temirjol qatynasyn Lengir stantsiiasyna deiin uzartý máselesin kóterdi. Ministrlik bul usynystardy quzyrly memlekettik organdarmen jáne áýe kompaniialarymen birlesip jedel qarastyryp, qajetti jumystar júrgizedi.
Marat Qarabaev oblys halqymen kezdesýden keiin óńir azamattaryn jeke qabyldady. Onda uzyndyǵy 55 shaqyrym bolatyn «Túrkistan-Ashysai» tas jolyn jóndeý jáne Hanqorǵan aýyldyq okrýgindegi jergilikti mańyzy bar joldy jóndeýge qatysty saýaldar boldy. Barlyq ótinishter baqylaýǵa alynyp, ministrliktiń jaýapty qyzmetkerlerine tiisti tapsyrmalar berildi.
