Qostanaı oblysynda qaıtarylǵan aktıvterge 279 shaqyrym sý qubyry salynady, dep habarlaıdy Dalanews.kz.
Prokýratýra organdary zańsyz satyp alynǵan aktıvterdi memleketke qaıtarý boıynsha jumysty jalǵastyrýda.
Búgingi tańda Úkimet arnaýly memlekettik qordan turǵyn úı-kommýnaldyq sharýashylyq, densaýlyq saqtaý, bilim berý jáne sport salalaryndaǵy 333 áleýmettik mańyzy bar jobany iske asyrýǵa qarajat bóldi.
Qostanaı oblysynda prokýratýra qaıtarǵan aktıvter esebinen 2025 jyldyń sońyna deıin Arqalyq, Beıimbet Maılın, Denısov, Qarabalyq, Qostanaı jáne Fedorov aýdandarynyń 9 eldi mekeninde sýmen jabdyqtaý jelileriniń qurylysyn aıaqtaý josparlanýda.
279 shaqyrym sý qubyry paıdalanýǵa beriledi, bul 55 myń turǵyndy sapaly aýyz sýmen qamtamasyz etedi.
Budan basqa, Jitiqara aýdanynda emhana ǵımaraty qaıta jańartylady, bul halyqqa medısınalyq qyzmetterdiń qoljetimdiligin arttyrýǵa múmkindik beredi.
