Qostanai oblysynda mekteptegi qarapaiym jattyqtyrýshy aqsha jymqyrǵan, - dep habarlaidy Dalanews.kz.
21 qazanda Qostanai oblysynyń prokýratýrasymen biýdjet qarajatyn urlaý týraly qylmystyq is boiynsha aiyptaý aktisi bekitildi.
Tergeý barysynda 2022 jyldyń qazanynan 2024 jyldyń qańtaryna deiin Qostanai oblysy ákimdigi dene shynyqtyrý jáne sport basqarmasynyń «Joǵary sport sheberligi mektebi» KMM balalar men jasóspirimder komandalary arasynda short-trek boiynsha jattyqtyrýshy óziniń qyzmettik jaǵdaiyn paidalana otyryp, alymdar men jarystarǵa is júzinde barmaǵan adamdardy zańsyz kórsetý jolymen shyǵyndardyń naqty somasyn ulǵaita otyryp, jalǵan avanstyq esepter qurastyrǵany anyqtaldy.
Jattyqtyrýshy túsken aqshany qaltasyna basqan. Urlanǵan biýdjet qarajatynyń somasy 5,9 mln teńgeni qurady.
Keiinnen urlanǵan aqsha qarajatyn depozittik shotqa aýdarý arqyly zańdy ainalymǵa tartty, ol jerden ai saiynǵy syiaqyny 9,6% paiyzdyq mólsherlememen aldy.
Depozit boiynsha paiyzdyq syiaqy túrindegi jariia etilgen qylmystyq kiris somasy 613,1 myń teńgeni qurady.
Onyń áreketteri Qylmystyq kodekstiń 189-babynyń 3-bóliginiń 1-tarmaǵy (senip tapsyrylǵan bóten múlikti qyzmettik jaǵdaiyn paidalana otyryp, iri mólsherde urlaý) 218-babynyń 1-bóligi (aqshany zańdastyrý (jylystatý), iaǵni konversiia túrinde mámileler jasaý arqyly qylmystyq jolmen alynǵan aqshalai qarajatty zańdy ainalymǵa tartý) boiynsha saralanady.
Sanktsiia bappen alty jylǵa deiingi merzimge belgili bir laýazymdardy atqarý nemese belgili bir qyzmetpen ainalysý quqyǵynan aiyra otyryp, múlki tárkilenip, jeti jylǵa bas bostandyǵynan aiyrý túrindegi eń joǵary jazany kózdeidi.
Qylmystyq is Qostanai qalasynyń №2 sotyna joldandy.
