Qostanai oblysynda eki balyqshy muz astyna túsip ketken, dep habarlaidy Dalanews.kz.
Keshki ýaqytta Rýdnyi qalasynan 10 shaqyrym jerde ornalasqan Sergeev sý qoimasynda tótenshe jaǵdai boldy. Muz ústinde júrgen eki er adam sýǵa túsip ketken.
"Oqiǵa ornyna jedel jetken qutqarýshylar men politsiia qyzmetkerleri qutqarý jumystaryn bastady. Olardyń úilesimdi áreketiniń arqasynda eki balyqshy da qutqaryldy. Olarǵa alǵashqy meditsinalyq kómek kórsetilip, jedel járdem qyzmeti arqyly Rýdnyi qalalyq aýrýhanasyna jetkizildi", - dedi TJM ókili.
