Atyraýda kópirden ózenge sekirgen qyz qutqaryldy, dep habarlaidy Dalanews.kz.
Búgin 112 pýltine Jaiyq ózenindegi jaiaý júrginshiler kópirinen qyz sýǵa sekirgeni týraly habarlama túsken.
"Ózen jaǵasynda ornalasqan qutqarý bólimshesinen qutqarýshylar zamanaýi Marlin qutqarý qaiyǵymen dereý oqiǵa ornyna shyqty. Shamamen 4 shaqyrym qashyqty eńserip, oqiǵa ornyna 4 minýt ishinde jetti. Qutqarýshylar kópirden shamamen 800 metr qashyqqa aǵys alyp ketken qyzdy baiqady", - dep jazylǵan habarlamada.
Qutqarýshylardyń biri sýǵa sekirip, ony ustap turǵan, al áriptesteri qutqarý sheńberin laqtyryp, ekeýin de qaiyqqa kótergen.
2011 jyly týǵan qyz jaǵaǵa jetkizilip, meditsina qyzmetkerlerine tapsyryldy.
