Qostanai oblysy Básekelestikti qorǵaý jáne damytý departamenti Ahmet Baitursynuly atyndaǵy "Qostanai halyqaralyq áýejaiy" AQ-ǵa qatysty tekserýdi aiaqtady. Tekserý áýejaidyń áýejanarmai baǵasyn kóterýine bailanysty júrgizilgen, dep habarlaidy Dalanews.kz.
Bul aqparatty "QazAqparat" rastady. Departament basshysy Dastan Samenniń málimdeýinshe, tekseris nátijesinde kompaniiaǵa 8,4 mln teńge aiyppul salynyp, naryqtyq kóterme baǵa arqyly alynǵan kirisinen 8,1 mln teńge tárkilengen.
Sonymen qatar áýejaiǵa antikonkýrstyq zańnamany buzýdy joiý týraly nusqaý berildi. Onyń oryndalý merzimi de áli belgilengen joq.
Departament málimetinshe, áýejanarmai qunynyń ósýi jolaýshylardyń bilet tarifine áser etpegen jáne áýekompaniia biletteriniń baǵasy ózgermegen.
Esterińizge sala keteiik, buǵan deiin Astanadaǵy "Nursultan Nazarbaev halyqaralyq áýejaiy" áýejanarmai satý quqyǵy úshin alynatyn tólemdi kúrt kótergeni úshin tekserilip jatqan edi. Bul tólemderdiń kóbeiýi tikelei áýe kemelerin janarmaimen qamtamasyz etý qunyna áser etedi.
Básekelestikti qorǵaý jáne damytý agenttiginiń jobalyq qorytyndysyna sáikes, ótken jyldyń tamyzynan bastap áýejai bir tonna úshin alynatyn tólemdi 16 240 teńgeden 77 852 teńgege deiin kótergen (QQS esepke alynbaidy). Biylǵy jyldyń aqpanynan bastap bul tólem 60 137 teńge bolyp belgilengen.
