Qostanai qalasynyń ákimi Marat Júndibaev biýdjet esebinen ákim apparatyna qymbat avtokólik satyp alǵan, - dep habarlaidy Dalanews.kz "Nasha gazeta" basylymyna siltep.
Jańa avtokólikti satyp alýǵa ákim apparaty 23 million teńge bóldi. Qostanai ákimi buǵan deiin 2010 jylǵy Lexus LX570 avtokóligin qoldanǵann. Ákimniń sózinshe, burynǵy kólik tolyq eskirip ketken kórinedi.
"Birinshiden, kólik tek men úshin arnalmaǵan. Ony ákimdik apparaty satyp aldy. Burynǵy kólikti jóndeýge óte kóp qarajat ketedi. Apparatta aqsha kóp emes, sondyqtan jyl saiyn kólikti jóndeýge bes million teńge jumsaý durys emes dep sanaimyn", - deidi Qostanai ákimi.
Onyń sózinshe, avtokólikti satyp alýǵa arnalǵan konkýrs ótkizilgen. Jańa Kia Sorento avtokóligin satyp alýǵa 23 million teńge jumsalmaq.
"Iá, men ony qoldanamyn, sebebi basqa amal joq. Qalada jaiaý júre almaimyn. Ózimizdiń avtoónerkásip óndiretin avtokólikti satyp alǵanymyz durys dep oilaimyn. Ony tek men emes, ákim apparatyndaǵy ózge adamdar da qoldanady", - deidi Marat Júndibaev.
