قوستاناي قالاسىنىڭ ەكٸمٸ مارات جٷندٸباەۆ بيۋدجەت ەسەبٸنەن ەكٸم اپپاراتىنا قىمبات اۆتوكٶلٸك ساتىپ العان, - دەپ حابارلايدى Dalanews.kz "ناشا گازەتا" باسىلىمىنا سٸلتەپ.
جاڭا اۆتوكٶلٸكتٸ ساتىپ الۋعا ەكٸم اپپاراتى 23 ميلليون تەڭگە بٶلدٸ. قوستاناي ەكٸمٸ بۇعان دەيٸن 2010 جىلعى Lexus LX570 اۆتوكٶلٸگٸن قولدانعانن. ەكٸمنٸڭ سٶزٸنشە, بۇرىنعى كٶلٸك تولىق ەسكٸرٸپ كەتكەن كٶرٸنەدٸ.
"بٸرٸنشٸدەن, كٶلٸك تەك مەن ٷشٸن ارنالماعان. ونى ەكٸمدٸك اپپاراتى ساتىپ الدى. بۇرىنعى كٶلٸكتٸ جٶندەۋگە ٶتە كٶپ قاراجات كەتەدٸ. اپپاراتتا اقشا كٶپ ەمەس, سوندىقتان جىل سايىن كٶلٸكتٸ جٶندەۋگە بەس ميلليون تەڭگە جۇمساۋ دۇرىس ەمەس دەپ سانايمىن", - دەيدٸ قوستاناي ەكٸمٸ.
ونىڭ سٶزٸنشە, اۆتوكٶلٸكتٸ ساتىپ الۋعا ارنالعان كونكۋرس ٶتكٸزٸلگەن. جاڭا Kia Sorento اۆتوكٶلٸگٸن ساتىپ الۋعا 23 ميلليون تەڭگە جۇمسالماق.
"يە, مەن ونى قولدانامىن, سەبەبٸ باسقا امال جوق. قالادا جاياۋ جٷرە المايمىن. ٶزٸمٸزدٸڭ اۆتوٶنەركەسٸپ ٶندٸرەتٸن اۆتوكٶلٸكتٸ ساتىپ العانىمىز دۇرىس دەپ ويلايمىن. ونى تەك مەن ەمەس, ەكٸم اپپاراتىنداعى ٶزگە ادامدار دا قولدانادى", - دەيدٸ مارات جٷندٸباەۆ.
