Qosshy qalasynda mektepterdiń biriniń aýmaǵynda jolaýshylar avtobýsy órtendi, dep habarlaidy Dalanews.kz.
Aqmola oblysy Tótenshe jaǵdailar departamentiniń málimetinshe, oqiǵa búgin bolǵan.
"Qosshy qalasynda ornalasqan mektep aýmaǵynda jolaýshylar avtobýsy órtendi. Órttiń aýmaǵy 10 sharshy metrdi qurady. Órt jedel sóndirildi. Qaza tapqandar men zardap shekkender joq", - delingen vedomstvo habarlamasynda.
Aldyn ala málimet boiynsha, órttiń shyǵýyna elektr symdarynyń qysqa tuiyqtalýy sebep bolǵan.
Tótenshe jaǵdailar departamenti turǵyndarǵa tótenshe jaǵdai týyndaǵan kezde 101 nemese 112 nómirlerine habarlasý qajettigin eske saldy.
