Básekelestikti qorǵaý jáne damytý agenttigi júrgizgen tekseris nátijelerimen kelispegen kompaniia daýlasyp, aqyry Joǵary sotqa deiin barǵan. Alaida bul arada da onyń taýy shaǵyldy. Endi tutynýshylaryn qymbat baǵaǵa qosymsha jabdyq satyp alýǵa májbúrlegen Almatydaǵy Toyota Tsusho Kazakhstan Auto dilerlik ortalyǵy 88 mln teńge aiyppul tóleitin boldy, dep jazady Dalanews.kz.
Almatydaǵy quzyrly organnyń tergep-tekserý barysynda 2020-2021 jyldary "Toyota Tsusho Kazakhstan Auto" JShS-i satylǵan avtokólikterdiń 82%-dan astamyna qosymsha jabdyq ornatýdy satyp alýshylaryna májbúrli túrde mindettegeni belgili boldy. Mundai jabdyqtar quny 3 mln teńgege deiin jetken, al keibir sanattar boiynsha ústeme baǵa 200%-dan asyp ketken.
"Osylaisha, jańa avtokólikterdi satý kezinde qosymsha jabdyqtardy májbúrli túrde usyný tájiribesi qalyptasqan. Tergeý nátijelerin 2024 jyldyń sońynda QR Joǵarǵy soty zańdy dep tanydy", delingen habarlamada.
Almaty qalasy boiynsha ákimshilik quqyq buzýshylyqtar jónindegi mamandandyrylǵan aýdanaralyq sottyń qaýlysymen jańa jeńil avtokólikterdi satý kezinde klientterge qosymsha jabdyqtardy májbúrlep usyný faktileri boiynsha kompaniiaǵa monopolistik qyzmetten túsken tabys (paida) kóleminiń 5%-y mólsherinde ákimshilik aiyppul salyndy.
Aqshalai túrde aiyppul somasy 88 mln teńgeni qurady.
Birinshi instantsiia sotynyń qaýlysy zańdy kúshine engen joq.
Aita ketsek, 2024 jylǵy 11 qarashada BQDA-nyń avtodilerlerge qatysty animonopoliialyq sharalar qabyldaǵany belgili boldy.
