بەسەكەلەستٸكتٸ قورعاۋ جەنە دامىتۋ اگەنتتٸگٸ جٷرگٸزگەن تەكسەرٸس نەتيجەلەرٸمەن كەلٸسپەگەن كومپانييا داۋلاسىپ, اقىرى جوعارى سوتقا دەيٸن بارعان. الايدا بۇل ارادا دا ونىڭ تاۋى شاعىلدى. ەندٸ تۇتىنۋشىلارىن قىمبات باعاعا قوسىمشا جابدىق ساتىپ الۋعا مەجبٷرلەگەن الماتىداعى Toyota Tsusho Kazakhstan اuto ديلەرلٸك ورتالىعى 88 ملن تەڭگە ايىپپۇل تٶلەيتٸن بولدى, دەپ جازادى Dalanews.kz.
الماتىداعى قۇزىرلى ورگاننىڭ تەرگەپ-تەكسەرۋ بارىسىندا 2020-2021 جىلدارى "Toyota Tsusho Kazakhstan Auto" جشس-ٸ ساتىلعان اۆتوكٶلٸكتەردٸڭ 82%-دان استامىنا قوسىمشا جابدىق ورناتۋدى ساتىپ الۋشىلارىنا مەجبٷرلٸ تٷردە مٸندەتتەگەنٸ بەلگٸلٸ بولدى. مۇنداي جابدىقتار قۇنى 3 ملن تەڭگەگە دەيٸن جەتكەن, ال كەيبٸر ساناتتار بويىنشا ٷستەمە باعا 200%-دان اسىپ كەتكەن.
"وسىلايشا, جاڭا اۆتوكٶلٸكتەردٸ ساتۋ كەزٸندە قوسىمشا جابدىقتاردى مەجبٷرلٸ تٷردە ۇسىنۋ تەجٸريبەسٸ قالىپتاسقان. تەرگەۋ نەتيجەلەرٸن 2024 جىلدىڭ سوڭىندا قر جوعارعى سوتى زاڭدى دەپ تانىدى", دەلٸنگەن حابارلامادا.
الماتى قالاسى بويىنشا ەكٸمشٸلٸك قۇقىق بۇزۋشىلىقتار جٶنٸندەگٸ مامانداندىرىلعان اۋدانارالىق سوتتىڭ قاۋلىسىمەن جاڭا جەڭٸل اۆتوكٶلٸكتەردٸ ساتۋ كەزٸندە كليەنتتەرگە قوسىمشا جابدىقتاردى مەجبٷرلەپ ۇسىنۋ فاكتٸلەرٸ بويىنشا كومپانيياعا مونوپوليستٸك قىزمەتتەن تٷسكەن تابىس (پايدا) كٶلەمٸنٸڭ 5%-ى مٶلشەرٸندە ەكٸمشٸلٸك ايىپپۇل سالىندى.
اقشالاي تٷردە ايىپپۇل سوماسى 88 ملن تەڭگەنٸ قۇرادى.
بٸرٸنشٸ ينستانتسييا سوتىنىڭ قاۋلىسى زاڭدى كٷشٸنە ەنگەن جوق.
ايتا كەتسەك, 2024 جىلعى 11 قاراشادا بقدا-نىڭ اۆتوديلەرلەرگە قاتىستى انيمونوپولييالىق شارالار قابىلداعانى بەلگٸلٸ بولدى.
