Kólik ministrligi málimdegendei, Belarýs pen Eýropa ortasyndaǵy 13 shekara beketi istemei tur. Resei-Finliandiia shekarasyndaǵy ótkizý beketteri de jabylǵan.
– Munyń saldarynan qazaqstandyq júk kólikteri Belarýs-Litva jáne Latviia shekarasynda kóbirek turyp qaldy. Sondyqtan biz júkti Eýropaǵa jetkizý úshin Túrkimenstan men Iran tranziti týraly sóilestik, – delingen kólik ministrligi taratqan málimette.
Ońtústik marshrýt arqyly júk tasý ýaqyty uzaǵyraq bolady, biraq ol balama retinde atalyp jatyr.
Belarýs málimetinshe, eýropalyq ótkizý beketterdiń 40% ǵana isteidi.
