"Bul sailaýdyń jóni bólek. Táýelsizdik tarihynda alǵash ret eshbir saiasi partiianyń qoldaýyna iek artpaǵan, eshbir qaýymdastyqtyń kúshine arqa súiemegen oppozitsiianyń jeke-dara ókili eki birdei saiasi partiia parlament sailaýynda jinai almaǵan daýys jinap, salmaqty saiasi deńgeige kóterildi".
Qosanov ózine daýys bergen jurtqa alǵys aitty.
"Maǵan qoldaý tanytqan barsha buqaranyń aldynda basymdy iem. Meniń baǵdarlamam el ishinde qanshalyqty qoldaý tapqanyna kýámin. Osy qoldaý, osy elektorattyń ekpini bizge bilikpen teń dárejede tildesýge múmkindik beredi dep úmittenemin.
"Álbette, bir judyryqqa jumylǵan oppozitsiianyń atynan dodaǵa tússem, sailaýdaǵy kórsetkish te kóbirek bolar edi.
Meniń nátijeme boikot áset etti. Tasada tyǵylyp júrgen meniń bir kezdegi demokratiialyq lagerdegi áriptesterim jariialaǵan boikot bul. Sonyń saldarynan kórsetkishke kelgende kemistik boldy"
–dedi Qosanov.
Qosanov halyqtyń bul sailaýda qalai daýys bergenin kózimen kórgen.
"Bilik tranziti halyqtyń qatysýymen, onyń pikirine qulaq asýymen júzege asaryna kózim jetti. Men atap kórsetken mindetter bolashaq Qazaqstannyń qabyrǵasyn qalaýda eskeriledi dep esepteimin", – dedi ol.
Sóziniń sońynda Qosanov sailaýda jeńiske jetken Toqaev quttyqtady.
"Toqaev qoǵammen tildesip, áralýan pikirge túsinistikpen qaraýǵa daiyn ekenin ańǵartty. Ony búgingi jeńisimen quttyqtaimyn. "Halyq pen biliktiń arasynda dialog ornataiyq" degeni sóz júzinde qalmaidy dep senemin. Buǵan oppozitsiia ókilderi retinde biz de jumylamyz", – dedi Qosanov.
https://www.facebook.com/q.aqparat/videos/416429012421693/
