Atalǵan faktini Altai qalasynyń politsiia qyzmetkerleri anyqtady. Qazaqstan azamaty – 43 jastaǵy er adam bir jyldan astam ýaqyt buryn Resei azamattyǵyn alǵan. Alaida ol bul týraly zańda belgilengen merzim ishinde habarlamaǵan.
Quqyq buzýshyǵa qatysty tiisti bap boiynsha ákimshilik hattama toltyryldy. Material keiinirek aýdandyq sotta qaralyp, onyń qaýlysymen sheteldikti elden shyǵarý týraly sheshim qabyldanǵan,dep habarlaidy Dalanews.kz tilshisi Polisia.kz saityna silteme jasap.
Tájiribe kórsetkendei, quqyq buzýshylardyń qos azamattyq alýynyń birneshe tiimdi sebepteri bar, atap aitqanda: memlekettik shekarany kedergisiz kesip ótý, materialdyq artyqshylyqtar alý, zeinetaqy esebi, muraǵa ie bolý, bala týylǵan kezdegi járdemaqy, joǵary oqý oryndaryna túsý kezinde jeńildikke ie bolý.
Jyl basynan beri ShQO kóshi-qon qyzmeti qos azamattyǵy bar 15 azamatty anyqtaǵan, olardyń 5-ýi Qazaqstan aýmaǵynan shyǵaryldy.
Basqa eldiń azamattyǵyn qabyldaǵan kezde QR azamaty 30 kún ishinde ishki ister organdaryna nemese shet memlekettiń aýmaǵyndaǵy Qazaqstannyń diplomatiialyq ókildigine málimdeýi kerek, sondai-aq QR pasporty men jeke kýáligin tapsyrýy qajet
