Aýa raiynyń qolaisyzdyǵyna qaramastan, uiymdastyrýshylar jarysty jeńil rejimde ótkizdi. Sonymen, qatysýshylar óz tańdaýy boiynsha 2,5-ten 5 shaqyrymǵa deiingi qashyqtyqty eńserdi.
«Baitaq» partiiasy jyl boiy jáne kez kelgen aýa raiy jaǵdaiynda densaýlyqty jaqsartýmen ainalysýǵa bolatynyn kórsetti. Marafon botanikalyq baqtaǵy arnaiy júgirý joldary men taza aýada yńǵaily jaǵdaida ótti.
Is-shara sońynda qatysýshylar negizi ekologiialyq problemalardy sheshý jáne qorshaǵan orta men adamdardyń densaýlyǵyn qorǵaý bolyp tabylatyn partiianyń sailaýaldy tuǵyrnamasymen tanysty. Partiialyqtar jinalǵandardyń suraqtaryna jaýap berdi.
«Baitaq» jasyldar partiiasynyń tóraǵasy Azamathan Ámirtaevtyń aitýynsha, partiia úgit-nasihat jumystaryn jalǵastyra otyryp, búkil el boiynsha 1 millionǵa jýyq adamdy qamtityn 3 myńnan astam kezdesý ótkizdi.
«Biz osymen salaýatty ómir salty – bul adamdardyń, ásirese jastardyń ómiri men densaýlyǵyndaǵy eń mańyzdy másele ekenin kórsetkimiz keldi», – dedi «Baitaq» jasyldar partiiasynyń tóraǵasy Azamathan Ámirtaev.
