«Qorǵas» transshekaralyq yntymaqtastyq halyqaralyq ortalyǵyna reiderlik shabýyl jasalýy múmkin, - dep habarlaidy Dalanews.kz.
Reiderlik shabýyldyń basynda sheneýnik Daniiar Aiqynbaev pen Ersin Orazaev turǵan kórinedi. Bul týraly Egovpress telegram arnasyndaǵy jazbadan belgili boldy.
Iri investorlar «Qorǵasta» júzdegen jumys ornyn qurǵan. Endi oǵan sheneýnikterdiń kózi túsip otyrǵan kórinedi.
Telegramdaǵy málimet boiynsha, Aiqynbaev pen Orazaev reiderlik jolmen shekarany tolyq baqylaýǵa alyp, kásipkerlerdi kontrabandamen ainalysýǵa májbúrlemek. Tipti zardap shegip otyrǵan kásipkerlerdiń aryzy da paida boldy.
Úndeýdi kásipkerler prezident Toqaevqa baǵyttaǵan. Sonymen qatar, aryz prezident ákimshiligine, premer-ministr Bektenovke, bas prokýrorǵa, qarjy ministrligi, ulttyq qaýipsizdik komiteti men antikorǵa da jiberilgen.
Kásipkerler hatta olardyń árqaisy Aiqynbaev pen Orazaev tarapynan qysym kóretinin, olar qyzmettik ókiletin asyra paidalanyp júrgenin jazǵan.
«Olar qoqan-loqy kórsetip, kásipkerlerdiń jumysyna zańsyz aralasyp, investorlardy biznesti júrgizýdiń tiimsiz ádisin qoldanýǵa itermeleidi. Orazaev Aiqynbaevtyń basshylyǵymen bizneske qamqorlyq jasaý úshin árqaisymyzdan jeke qomaqty birjolǵy aqshalai qarajatty tóleýdi nemese bar jáne josparlanǵan ónimnen ai saiynǵy kiristiń belgili bir bóligin berip otyrýdy talap etti», - delingen hatta.
Hattaǵy málimet boiynsha, keibir kásipkerler jer ýchaskeleri men jyljymaityn múlik obektilerinen aiyrylyp qalǵan. Kelisimshartqa qaramastan olardyń shyǵyny da ótelmegen.
Aita keteiik, Daniiar Aiqynbaev, sońǵy derektor boiynsha, Almaty elektr stantsiialarynyń qamtý boiynsha basqarma tóraǵasynyń orynbasary qyzmetinde. Al Ersin Orazaev derekkózderde «Qorǵas» shegara mańy yntymaqtastyǵy ortalyǵy» AQ tóraǵasy mindetin atqarýshy ekeni jazylǵan.
