«قورعاس» ترانسشەكارالىق ىنتىماقتاستىق حالىقارالىق ورتالىعىنا رەيدەرلىك شابۋىل جاسالۋى مۇمكىن، - دەپ حابارلايدى Dalanews.kz.
رەيدەرلىك شابۋىلدىڭ باسىندا شەنەۋنىك دانيار ايقىنبايەۆ پەن ەرسىن ورازايەۆ تۇرعان كورىنەدى. بۇل تۋرالى Egovpress تەلەگرام ارناسىنداعى جازبادان بەلگىلى بولدى.
ءىرى ينۆەستورلار «قورعاستا» جۇزدەگەن جۇمىس ورنىن قۇرعان. ەندى وعان شەنەۋنىكتەردىڭ كوزى ءتۇسىپ وتىرعان كورىنەدى.
تەلەگرامداعى مالىمەت بويىنشا، ايقىنبايەۆ پەن ورازايەۆ رەيدەرلىك جولمەن شەكارانى تولىق باقىلاۋعا الىپ، كاسىپكەرلەردى كونتراباندامەن اينالىسۋعا ماجبۇرلەمەك. ءتىپتى زارداپ شەگىپ وتىرعان كاسىپكەرلەردىڭ ارىزى دا پايدا بولدى.
ۇندەۋدى كاسىپكەرلەر پرەزيدەنت توقايەۆقا باعىتتاعان. سونىمەن قاتار، ارىز پرەزيدەنت اكىمشىلىگىنە، پرەمەر-مينيستر بەكتەنوۆكە، باس پروكۋرورعا، قارجى مينيسترلىگى، ۇلتتىق قاۋىپسىزدىك كوميتەتى مەن انتيكورعا دا جىبەرىلگەن.
كاسىپكەرلەر حاتتا ولاردىڭ ءارقايسى ايقىنبايەۆ پەن ورازايەۆ تاراپىنان قىسىم كورەتىنىن، ولار قىزمەتتىك وكىلەتىن اسىرا پايدالانىپ جۇرگەنىن جازعان.
«ولار قوقان-لوقى كورسەتىپ، كاسىپكەرلەردىڭ جۇمىسىنا زاڭسىز ارالاسىپ، ينۆەستورلاردى بيزنەستى جۇرگىزۋدىڭ ءتيىمسىز ءادىسىن قولدانۋعا يتەرمەلەيدى. ورازايەۆ ايقىنبايەۆتىڭ باسشىلىعىمەن بيزنەسكە قامقورلىق جاساۋ ءۇشىن ءارقايسىمىزدان جەكە قوماقتى ءبىرجولعى اقشالاي قاراجاتتى تولەۋدى نەمەسە بار جانە جوسپارلانعان ونىمنەن اي سايىنعى كىرىستىڭ بەلگىلى ءبىر بولىگىن بەرىپ وتىرۋدى تالاپ ەتتى»، - دەلىنگەن حاتتا.
حاتتاعى مالىمەت بويىنشا، كەيبىر كاسىپكەرلەر جەر ۋچاسكەلەرى مەن جىلجىمايتىن مۇلىك وبەكتىلەرىنەن ايىرىلىپ قالعان. كەلىسىمشارتقا قاراماستان ولاردىڭ شىعىنى دا وتەلمەگەن.
ايتا كەتەيىك، دانيار ايقىنبايەۆ، سوڭعى دەرەكتور بويىنشا، الماتى ەلەكتر ستانسيالارىنىڭ قامتۋ بويىنشا باسقارما ءتوراعاسىنىڭ ورىنباسارى قىزمەتىندە. ال ەرسىن ورازايەۆ دەرەككوزدەردە «قورعاس» شەگارا ماڭى ىنتىماقتاستىعى ورتالىعى» اق ءتوراعاسى مىندەتىن اتقارۋشى ەكەنى جازىلعان.
