Básekelestikti qorǵaý jáne damytý agenttigi "Qorǵas-Kommerts", "Qorǵas-Energo" jáne "Qorǵas-Servis" JShS-lardy jekeshelendirýdi usynady, dep habarlaidy Dalanews.kz.
"Básekelestikti qorǵaý jáne damytý agenttiginiń Jetisý oblysy boiynsha departamenti "Qorǵas-Kommerts" JShS, "Qorǵas-Energo" jáne "Qorǵas-Servis" syndy "Qorǵas" ShYHO" arnaiy ekonomikalyq aimaǵynyń Basqarýshy kompaniiasy" AQ enshiles kompaniialary tarapynan monopoliiaǵa qarsy zańnamanyń buzylǵanyn anyqtady. Osy kompaniialarǵa qatysty zańnamaǵa sáikes kelmeitin qyzmetti toqtatý týraly uiǵarymdar shyǵaryldy", delingen agenttik habarlamasynda.
"Qorǵas-Kommerts" JShS jáne "Qorǵas-Servis" sotta uiǵarymǵa qarsy shyqty, alaida sot organdary monopoliiaǵa qarsy organnyń talaptaryn zańdy dep tanydy. Sot sheshimin oryndaý nátijesinde atalǵan kompaniialar burynǵy formatta qyzmetin toqtatty.
"Monopoliiaǵa qarsy organ bul kompaniialardy jekeshelendirýdi jáne olardy básekelestik ortaǵa berýdi usyndy. Bul olarǵa naryq jaǵdaiynda jumysyn jalǵastyrýǵa múmkindik beredi", delingen BQDA habarlamasynda.
