باسەكەلەستىكتى قورعاۋ جانە دامىتۋ اگەنتتىگى "قورعاس-كوممەرس"، "قورعاس-ەنەرگو" جانە "قورعاس-سەرۆيس" جشس-لاردى جەكەشەلەندىرۋدى ۇسىنادى، دەپ حابارلايدى Dalanews.kz.
"باسەكەلەستىكتى قورعاۋ جانە دامىتۋ اگەنتتىگىنىڭ جەتىسۋ وبلىسى بويىنشا دەپارتامەنتى "قورعاس-كوممەرس" ج ش س، "قورعاس-ەنەرگو" جانە "قورعاس-سەرۆيس" سىندى "قورعاس" شىحو" ارنايى ەكونوميكالىق ايماعىنىڭ باسقارۋشى كومپانياسى" اق ەنشىلەس كومپانيالارى تاراپىنان مونوپولياعا قارسى زاڭنامانىڭ بۇزىلعانىن انىقتادى. وسى كومپانيالارعا قاتىستى زاڭناماعا سايكەس كەلمەيتىن قىزمەتتى توقتاتۋ تۋرالى ۇيعارىمدار شىعارىلدى"، دەلىنگەن اگەنتتىك حابارلاماسىندا.
"قورعاس-كوممەرس" ج ش س جانە "قورعاس-سەرۆيس" سوتتا ۇيعارىمعا قارسى شىقتى، الايدا سوت ورگاندارى مونوپولياعا قارسى ورگاننىڭ تالاپتارىن زاڭدى دەپ تانىدى. سوت شەشىمىن ورىنداۋ ناتيجەسىندە اتالعان كومپانيالار بۇرىنعى فورماتتا قىزمەتىن توقتاتتى.
"مونوپولياعا قارسى ورگان بۇل كومپانيالاردى جەكەشەلەندىرۋدى جانە ولاردى باسەكەلەستىك ورتاعا بەرۋدى ۇسىندى. بۇل ولارعا نارىق جاعدايىندا جۇمىسىن جالعاستىرۋعا مۇمكىندىك بەرەدى"، دەلىنگەن بقدا حابارلاماسىندا.
