Qorǵanys ministriniń orynbasary taǵaiyndaldy
Sultan Qamaletdinov 1965 jyly 12 aqpanda Resei Federatsiiasynyń Astrahan oblysynda týǵan. Tashkent joǵary tank ýchilishesin bitirgen; Tankige qarsy áskerler áskeri akademiiasynyń tyńdaýshysy; Resei Federatsiiasy Qarýly Kúshteri Bas shtabynyń Áskeri akademiiasynyń tyńdaýshysy.
Eńbek joly: Germaniiadaǵy keńes áskerleri tobynyń tank diviziiasynyń gvardiialyq tank polkiniń tank vzvody komandiri; tank batalony komandiriniń orynbasary – shtab bastyǵy, tank batalony komandiri, tank polkiniń komandiri, mehanikalandyrylǵan diviziia komandiriniń orynbasary – shtab bastyǵy, mehanikalandyrylǵan brigada komandiri (1986-2005); «Shyǵys» óńirlik qolbasshylyǵy ásker qolbasshysy basqarmasynyń shtaby bastyǵynyń orynbasary (2006-2008); «Ońtústik» ÓQ ásker qolbasshysynyń áskeri daiyndyq jónindegi orynbasary (01.2008-08.2008); «Ońtústik» ÓQ ásker qolbasshysy basqarmasy shtabynyń bastyǵy – qolbasshynyń birinshi orynbasary (2010-2012); «Astana» ÓQ ásker qolbasshysy basqarmasy shtabynyń bastyǵy – qolbasshynyń birinshi orynbasary (2012-2013); «Astana» ÓQ ásker qolbasshysy (2013-2016); QR Qorǵanys ministrligi Qarýly Kúshteriniń Qurlyqtaǵy áskerler bas qolbasshysynyń birinshi orynbasary (2016-2019). 2019 jyldyń qazan aiynan bastap QR Tuńǵysh Prezidenti – Elbasy atyndaǵy Ulttyq qorǵanys ýniversitetiniń basshysy bolyp qyzmet istedi.
